José Pedro Lujambio

José Pedro Lujambio

Nome orixinal	José Pedro Lujambio Ruibal
Biografía
Nacemento	9 de xaneiro de 1929 (95 anos) Uruguai
Actividade
Ocupación	futbolista
Deporte	fútbol
Posición de xogo	Interior

José Pedro Lujambio Ruibal, nado no Uruguai o 9 de xaneiro de 1929, é un exfutbolista uruguaio que xogaba de interior.

Traxectoria

Aos 15 anos entrou no Peñarol, permanecendo cinco anos na disciplina do club, xogando como interior e en ocasións dianteiro centro, pero sen chegar a debutar co primeiro equipo.^[1]

En setembro de 1949 chegou a Galicia para xogar no Deportivo da Coruña, unhas semanas despois de que o fixese o tamén uruguaio Dagoberto Moll.^[1] Debutou na Primeira División na xornada 3 da tempada 1949/50, nun partido contra o Sevilla no estadio de Nervión, formando na dianteira xunto a Marquínez, Moll, Franco e Guimeráns.^[2] Repetiu titularidade no seguinte partido contra o Valladolid en Riazor, pero non volveu xogar ningún partido máis no equipo de Scopelli. En marzo de 1950, unhas semanas antes de que o equipo se proclamase subcampión de liga, Lujambio rescindiu o seu contrato e regresou ao Uruguai.^[3]

En 1952 foi contratado polo Club Atlético Chalaco, da cidade peruana de Callao, onde militou ata 1953. Posteriormente pasou varios anos no Sport Boys da mesma cidade, antes de fichar polo Unión América de Lima en 1959.^[4]

Notas

1. "Párece que Lujambio tampoco resolverá la crisis de interiores en el deportivo". La Voz de Galicia (en castelán). 17 de setembro de 1949. p. 5. 
2. "No fué muy lucida la actuación del Deportivo en Sevilla". El Correo Gallego (en castelán) (24160). 20 de setembro de 1949. p. 4. Consultado o 9 de novembro de 2021. 
3. "El uruguayo Lujambio se va de La Coruña". El Pueblo Gallego (en castelán) (8331). 16 de marzo de 1950. p. 3. Consultado o 9 de novembro de 2021. 
4. "Futbolistas de la década de 1950". wikisba.fandom.com (en castelán). Consultado o 9 de novembro de 2021. 

Véxase tamén

Ligazóns externas

• Datos do xogador en BDFutbol (en castelán).