Phylis Lee Isley, nada en Tulsa (Oklahoma) o 2 de marzo de 1919 e finada en Malibú (California) o 17 de decembro de 2009, foi unha actriz de cinema estadounidense.
Traxectoria
Estudou arte dramática en Nova York, onde coñecería ao seu primeiro marido, o seu compañeiro Robert Walker. Despois de volver a Tulsa a facer un programa de radio marcharon a Hollywood, onde conseguiu algúns papeis no cinema. Non obstante, tras non conseguir superar unha proba para a Paramount volveu a Nova York a actuar no teatro, e alí foi onde a descubriu David O. Selznick.
O director Henry King quedou tan impresionado coas súas probas que a contratou como protagonista do seu filme The Song of Bernadette. Con este o seu primeiro papel protagonista gañou o oscar á mellor actriz.
En 1949 casou con Selznick, matrimonio que duraría ata a morte del en 1965. Tras quedar viúva, Jones abandonou parcialmente a interpretación.
En 1976 a súa filla Mary Jennifer Selznick suicidouse, o que levou a Jones a interesarse polas enfermidades mentais, creando en 1980 unha fundación para educación e saúde mental.
Filmografía
Véxase tamén
Ligazóns externas
