Declaración dos Dereitos do Neno

Declaración dos Dereitos do Neno
Tipo	Resolución da Asemblea Xeral das Nacións Unidas
Publicado en	Declaración dos dereitos do neno e outras cousas nosas
Implicados
Autor	ONU
Obra completa
https://undocs.org/en/A/RES/1386(XIV)
[ Wikidata ]

Nenos xogando.

A Declaración dos Dereitos do Neno foi deseñada por Eglantyne Jebb e adoptada pola International Save the Children Union, Xenebra, o 23 de febreiro en 1923 e apoiada pola Asemblea Xeral da Sociedade das Nacións o 26 de novembro de 1924.

Historia

A través desta declaración, coñecida comunmente como Declaración de Xenebra, homes e mulleres de todas as nacións, recoñecendo que os nenos son o mellor que a humanidade ten, declara e acepta como o seu deber, máis alá de toda consideración de raza, nacionalidade ou credo, que:

1. Ao neno débeselle dar os medios necesarios para o seu desenvolvemento normal, material e espiritual.
2. O neno famento debe ser alimentado, o neno enfermo debe ser curado, o neno maltratado debe ser protexido, o neno explotado debe ser socorrido, o neno orfo e abandonado debe ser acollido.
3. O neno debe ser o primeiro en recibir auxilio en caso dun desastre.
4. O neno debe ter sustento, e ser protexido contra todo tipo de explotación.
5. O neno debe ser levado a concienciarse de ser devoto ao servizo do home.

O documento orixinal, nos arquivos da cidade de Xenebra, leva a firma de varios delegados internacionais, entre eles Eglantyne Jebb, Janusz Korczak, e Gustave Ador, expresidente da Confederación Suíza.

As Organización das Nacións Unidas adoptou unha versión lixeiramente emendada en 1946 e o 20 de novembro de 1959 a Asemblea Xeral das Nacións Unidas adoptou unha versión expandida como a súa propia Declaración dos Dereitos do Neno.

Texto de 1959

A Declaración aprobada en 1959 consta de 10 artigos sendo o seu contido fundamentalmente o seguinte:

Artigo	Dereito
Artigo 1	Non discriminación por motivos de raza, cor, sexo, idioma, relixión, opinión, políticas ou doutra índole, orixe nacional ou social, posición económica, nacemento ou outra condición
Artigo 2	O neno gozará dunha protección especial
Artigo 3	Dereito ao nome e á nacionalidade desde o nacemento
Artigo 4	Dereito aos beneficios da Seguridade Social
Artigo 5	Os nenos impedidos física ou mentalmente recibirán os coidados e axudas que precisen
Artigo 6	O neno precisa amor e comprensión, e non debe ser afastado da súa nai, salvo circunstancias excepcionais
Artigo 7	Dereito á educación gratuíta e obrigatoria nas etapas elementais
Artigo 8	Prioridade do neno en obter protección e socorro
Artigo 9	Protección contra toda forma de crueldade, abandono e explotación.
Artigo 10	Protección contra a discriminación racial, relixiosa ou doutra índole.

Véxase tamén

Outros artigos

• Dereitos do neno.
• Convención sobre os Dereitos do Neno.
• Día Internacional dos Nenos Vítimas Inocentes de Agresión.
• Declaración dos dereitos do neno e outras cousas nosas