Conrado III, Chronica Regia Coloniensis Conrado III , nado en 1093 e finado o 15 de febreiro de 1152 en Bamberg , foi un emperador do Sacro Imperio Romano Xermánico , o primeiro representante da dinastía dos Hohenstaufen .
Traxectoria
Era fillo de Frederico I , duque de Suabia e de Inés, filla do emperador Henrique IV .
Conrado recibiu do seu tío, o emperador Henrique V , o Ducado de Franconia en 1115 , e herdou do seu pai o Ducado de Suabia .
En 1138 foi elixido emperador do Sacro Imperio Romano Xermánico . Enfrontouse cos güelfos e expulsounos de Baviera , pero non puido conseguir Saxonia, outro obxectivo seu, comezando desta forma a rivalidade entre güelfos e xibelinos .
Loitou en Bohemia e Polonia . Participou na segunda cruzada , a petición de San Bernardo, xunto ao rei Lois VII de Francia , regresando a Alemaña tras o fracaso da Campaña de Damasco.
Sucedeuno o seu sobriño Frederico I Barbarroxa .
Outros artigos
