Catión

Un catión^[1][2] é un ión con carga eléctrica positiva. Entre os catións máis habituais temos os catións metálicos formados cando un átomo dun metal perde algún dos seus electróns.

Así: cando un átomo de sodio perde un dos seus electróns dá lugar o catión sodio ou ión sodio, Na⁺.

Na → Na⁺ + 1 e^-

Cando un átomo de calcio perde dous electróns dá lugar o ión calcio, Ca²⁺ :

Ca → Ca²⁺ + 2 e^-

Cando un átomo de aluminio perde tres electróns dá lugar o catión ou ión aluminio, Al³⁺:

Al → Al³⁺ + 3 e^-

Existen tamén catións formados por máis dun átomo. Por exemplo o ión amonio é un catión formado por un átomo de nitróxeno e catro de hidróxeno que acumulan entre todos eles unha carga neta positiva, NH₄⁺:

H⁺ + NH₃ → NH₄⁺

Notas

1. Definicións no Dicionario da Real Academia Galega e no Portal das Palabras para catión.
2. "catión". TERGAL. Consultado o 05/07/2022.