Mapa coa Baixa Bretaña representada en cores vivas segundo os límites lingüísticos do galó e o bretón en 1950. Os diferentes tons de gris representan a perda progresiva do emprego da lingua bretoa en favor do galó. Nótese que os límites entre a Baixa e a Alta Bretaña fóronse desprazando pouco a pouco cara ó oeste.
A Baixa Bretaña (Breizh Izel en bretón e Basse-Bretagne en francés) é a parte occidental da Bretaña histórica. Correspóndese coa parte da Bretaña que tradicionalmente conservou e fala o bretón. Nin a Alta Bretaña nin a Baixa Bretaña existen oficialmente, xa que non representan límites administrativos, senón que se basean nas fronteiras lingüísticas entre o bretón e o galó.
