Aurelio

Aurelio

Biografía
Nacemento	740
Morte	774 ^(Gregoriano) (33/34 anos) Samartín del Rei Aurelio, España
Monarca do Reino de Asturias
768 – 774 ← Froila I – Silo →
Datos persoais
Relixión	Catolicismo
Actividade
Ocupación	guerreiro, gobernante
Outro
Título	Rei de Asturias
Familia	Dinastía ástur-leonesa
Pai	Fruela da Cantábria
Irmáns	Vermudo I o Diácono

Aurelio, nado cara ao 740 e finado no 774, foi un nobre galego, que gobernou en boa parte da Galicia alto-medieval desde 768 a 774, segundo as crónicas afonsinas. As súas orixes son un enigma histórico, A Crónica Albeldense non dá ningún dato sobre a súa ascendencia, e a Crónica de Afonso III, escrita máis de cen anos despois explica que era curmán de Froila I, posiblemente co obxectivo de facelo entroncar con Afonso I e a súa mítica liñaxe real dende Leovixildo. As fontes árabes medievais denomínano rei de Galicia.^[1][2]

Traxectoria

Foi elixido pola nobreza para suceder a Froila I, asasinado nunha revolta palatina no ano 768. O seu fillo Afonso (máis tarde Afonso II) foi afastado do trono.

As crónicas transmiten a noticia dos primeiros movementos sociais de contestación antiseñorial da Idade Media peninsular. Os servos erguéronse contra os seus señores, acabando por seren submetidos por Aurelio. A localización desta rebelión é descoñecida, se ben está fóra de dúbida que debeu ter grande importancia, posto que fora rexistrada nas crónicas.

Aurelio faleceu de morte natural, e sen descendencia, en Langreu. Foi sucedido por Silo I, quen casara con Adosinda (prima de Aurelio e filla de Afonso I.^[3]

• 
  Mapa político da Península Ibérica tras a substitución da España visigoda, pola musulmá.
• 
  Retrato imaxinario de Aurelio. Século XVIII.

Notas

1. Carballeira Debasa, Ana María (2007). Galicia y los gallegos en las fuentes árabes medievales. CSIC. p. 131. Rei de Galicia (Yilliqiya) (citando a Ibn al-Athir, Ibn Khaldun, Ibn Al-Khatib, al-Qalqashandi e El-Hajji) 
2. Ibn El-Atir. Fagnan, ed. Annales du maghreb & de l'espagne (en francés) (1897 ed.). mourut Ourâlî, roi de Galice, qui avait régné six ans, et qui eut pour successeur Chiyaloûn 
3. Peres Vigo, Alexandre (2022-09-19). "Aurelio, Silo, Mauregato e Vermudo I. Os príncipes galaicos polas armas (768-791)". Nós Diario. Consultado o 2022-09-25. 

Véxase tamén

Os reis e as raíñas da Galiza

Aurelio, Silo, Mauregato e Vermudo I. Os príncipes galaicos polas armas (768-791) (Nós Diario, 21.09.2022)

Bibliografía

• Anselmo López Carreira, Tucho Fernández Calo, Os reis de Galicia, Vigo : A Nosa Terra, 2003. ISBN 84-96203-27-1.
• Xosé Antonio López Teixeira, Arredor da conformación do Reino de Galicia (711-910), Editorial Toxosoutos, S.L. 02/2003.
• Anselmo López Carreira, O reino medieval de Galicia, Edicións A Nosa Terra, Promocións Culturais Galegas, S.A., 2005, ISBN 84-96403-54-8.
• Nogueira, C. (2001): A Memoria da nación: o reino da Gallaecia. Xerais, Vigo.
• Barbosa Álvarez, José Manuel, Atlas histórico da Galiza, Ediçons da Galiza, ISBN 978-84-936218-1-0.

Outros artigos

• Lista de monarcas de Galicia
• Lista de monarcas de Asturias

Reino de Galicia
Segue a: Froila I	Aurelio (768-774)	Precede a: Silo I
	Reis usurpadores