Articulación temporomandibular

Vista lateral da articulación temporomandibular no primeiro plano.

A articulación temporomandibular humana é unha articulación entre o maxilar inferior e o temporal, na que se artellan:

• Cóndilo da mandíbula.
• Cavidade articular do temporal.

Esta articulación é fundamental para a mastigación, xa que permite mover a mandíbula.

Movementos da articulación

• Elevación e descenso.
• Proxección cara a adiante e cara a atrás.
• Lateralización.

Ligamentos articulares

• Cápsula articular: contornea as superficies óseas.
• Ligamento temporomandibular: é o ligamento de maior entidade.
• Ligamento estilomaxilar: forma parte do Ramallete de Riolano. Provén da apófise estiloide e chega ó maxilar inferior.
• Ligamento esfenomaxilar: provén da espiña do esfenoide.

Músculos da articulación

• Depresores: ventre anterior do digástrico, milohioide. Accesoriamente tamén o xenihioide.
• Elevadores: temporal, maseter, pterigoide interno.
• Proxectores cara a adiante: os dous pterigoides externos contraéndose simultaneamente.
• Proxectores cara a atrás: digástrico, fibras horizontais do temporal.
• Lateralizadores: os pterigoides internos e, sobre todo, os externos, contraéndose alternativamente dun só lado.