Ariadna Gil i Giner, nada en Barcelona o 23 de xaneiro de 1969, é unha actriz catalá de cine, teatro e televisión.
Biografía
Foi descuberta polo director Bigas Luna, con quen debutou no seu filme Lola, en 1986. Tras participar en catro filmes realizados en catalán, en 1991 adquiriu notoriedade no cine español ó protagonizar a longametraxe de Emilio Martínez Lázaro Amo tu cama rica, que lle valeu o Premio Ondas á mellor actriz española do ano e a consagrou definitivamente. Despois chegou Belle Époque, e con ela gañou o Premio Goya á mellor actriz, e o filme conseguiu o Óscar á mellor filme de fala non inglesa.
Posteriormente dosificou as súas aparicións, escollendo moi ben os guións. Entre 2010 e 2011 coprotagoniza a obra teatral do clásico Un tranvía llamado Deseo.[1]
Ten dous fillos da súa primeira unión co escritor e cineasta David Trueba. Pouco despois coñeceu ó actor Viggo Mortensen, dando por finalizada a súa relación con David Trueba.[2]
Notas
Véxase tamén
Ligazóns externas