Antonio Lorenzo Rodríguez, nado en 1950 e finado en Ribadavia o 25 de maio de 2012[1], foi un político galego.
Arquitecto técnico de profesión. Membro de Centristas de Galicia, encabezou a coalición da súa formación con Alianza Popular en Ribadavia nas municipais de 1987 e foi a forza máis votada, pero moi lonxe da maioría absoluta, polo que non logrou a alcaldía tras apoiar outros grupos ao socialista Miguel Fidalgo. Porén, en xullo de 1989 logrou a alcaldía tras unha moción de censura apoiada polos Independentes do Municipio de Ribadavia[2]. Permaneceu no cargo até as municipais de 1991, nas cales o seu partido optou porque non fose o seu candidato á alcaldía. Foi presidente do Consello Regulador do Ribeiro (1992-1995).