Antonio Campillo Medina, nado o 16 de decembro de 1990 en Madrid, é un futbolista profesional español da canteira do Atlético de Madrid, que xoga como centrocampista no Club Deportivo Lugo da Segunda División.
Traxectoria
Nado en Madrid, Antonio Campillo formouse nos xuvenís do Club Atlético de Madrid da súa cidade natal, onde na temporada 2009-10 pasa formar parte do segundo equipo "colchoneiro" da Segunda División B. Alí permanecería un ano, sendo fichado polo Getafe CF B da mesa categoría. No equipo madrileño permanece temporada e media, até que asina pola Unión Deportiva Melilla, equipo que ese ano ten como obxectivo o ascenso á Segunda División.[1] No equipo norteafricano xogaría 10 partidos, anotando dous goles. Ao final da temporada asina polo Collado Villalba da Terceira División, onde tras anotar 8 goles, chama a atención do Rayo Vallecano, que o ficha para o seu filial. Co equipo de Vallecas consegue o ascenso á Segunda B, onde chama ás portas do primeiro equipo tras anotar 13 goles xogando como centrocampista. Porén, o Club Deportivo Lugo anuncia a súa contratación por dúas temporadas o 3 de xullo de 2015 para xogar na Segunda División, sendo a segunda fichaxe do club galego para a temporada 2015-16.[2]
Clubs
Notas
Véxase tamén
Ligazóns externas
