Aceite de soia

Aceite de soia

O aceite de soia é un aceite vexetal que procede do prensado da soia (Glycine max). Este aceite é abundante en ácidos graxos poliinsaturados.

Produción

Os tres maiores produtores de aceite de soia, por orde de produción, son: o Brasil, os Estados Unidos de América e a Arxentina, sendo este último o maior exportador do mundo. O aceite de soia é o de maior produción mundial, superando aos aceites de colza, palma e xirasol.

Características nutricionais

O aceite de soia cru resulta frecuentemente máis equilibrado que o de oliva xa que posúe os ácidos graxos esenciais omega-3 e omega-6 polo que é un bo complemento para dietas onde abundan carnes vermellas e carbohidratos.

Usos

Emprégase fundamentalmente na gastronomía e pódese atopar en salsas para ensaladas e aceites para fritir alimentos. Ao ter na súa composición tantos ácidos poliinsaturados é moi aconsellable gardalo na neveira e consumilo canto antes. Non se aconsella probalo se ten cheiro a rancio.

Nos últimos anos, e a consecuencia do florecemento da industria do biodiésel, estase potenciando o consumo de graxas vexetais, en concreto o aceite de colza, aceite de xirasol, aceite de soia e aceite de palmas.

O aceite de soia caracterízase por posuír moléculas de cadea longa de 13 a 16 enlaces o cal lle outorga, especialmente a partir dos estudos de George Washington Carver, moi boas propiedades para o uso industrial: o biodiesel obtido do aceite de soia obtense con relativa sinxeleza separándoo dun 10% de glicerina; con aceite de soia pódense elaborar, á parte de combustibles, plásticos.

Composición de ácidos graxos

Saturados

• Ácido láurico contén trazas
• Ácido mirístico contén trazas
• Ácido palmítico 11-12%
• Ácido esteárico 3-5%

Insaturados

• Ácido palmitioleico contén trazas
• Ácido oleico 22,0%
• Ácido linoleico 54,0%
• Ácido linolénico 7,5%
• Ácido araquidónico contén trazas

Véxase tamén

Vexa a entrada do Galizionario acerca de  aceite de soia

Wikimedia Commons ten máis contidos multimedia na categoría:  Aceite de soia

Ligazóns externas

• Prezos históricos do aceite de soia, segundo o FMI