PROFILBARU.COM

	Nasjonaal Park It Drintsk-Fryske Wâld ; Nationaal Park Het Drents-Friese Wold
	It Doldersummerfjild fan 'e útsjochtoer ôf (2004).
	lokaasje
lân	Nederlân
provinsjes	Drinte; Fryslân
gemeenten	Eaststellingwerf; Midden-Drinte ; Westerfjild
koördinaten	52°55′ N 6°20′ E
	oare ynformaasje
status	nasjonaal park
oerflak	61 km²
stifting	2000
behear	Steatsboskbehear; Natoermonuminten; It Drintske Lânskip; Maatskippij fan Woldiedichheid
webside	www.nationaalpark-drents-friese-wold.nl
	kaart
	; Lokaasje yn Nederlân.

It Nasjonaal Park It Drintsk-Fryske Wâld is in nasjonaal park dat bestiet út in grut oaniensletten natuergebiet op de grins fan de Fryslân en Drinte. It mear as 6100 hektare grutte Nasjonale Park bestiet út bosk, heide en stosân.

Belangrike plakken oan de rânen fan it park binne de doarpen Appelskea yn Súdeast-Fryslân en Doldersum, Diever, Hoogersmilde, Wapse en Vledder yn Drinte.

Skiednis

It Drintsk-Fryske Wâld krige yn 2000 de status fan nasjonaal park.

Op 7 augustus, yn 'e koarkdrûge simmer fan 2018, wie der in grutte natoerbrân yn it Drintske diel fan it park, wêrby't 75 ha feanlânskip yn 'e jiske lein waard. Brânwachtkorpsen út Drinte, Fryslân en Grinslân kamen mei sechstjin tankautospuiten en acht wettertankauto's yn aksje. Boeren út 'e omkriten fierden ekstra bluswetter oan yn jarretanks efter de trekker. De Keninklike Lânmacht sette in Chinook-helikopter yn. Wegen en fytspaden nei it gebiet fan 'e brân waarden troch de plysje ôfsletten, en fiif campings yn 'e omkriten waarden út foarsoarch ûntromme. Om 18.00 oere hie de brânwacht de brân ûnder kontrôle en koe it neiblussen begjinne. Yn totaal gie der 15.000 liter bluswetter trochhinne.^[1]^[2] Brânwacht en plysje hiene twa dagen nei de brân gjin oanwizings dat der sprake west hie fan brânstifting.^[3]

Lânskip

It karakter fan it gebiet is yn grutte mate beynfloede troch de esdoarpekultuer. Grutte dielen lykas it Doldersummerfjld, Aekingersân, Berkenheuvel en Wapserveld waarden iuwenlang troch de boeren út de omlizzende doarpen brûkt foar it beweidzjen troch skiep. Troch dy iuwenlange beweiding en it ôfplagjen fan seadden foar de potstâlkultuer, waarden mineralen ôffierd en ferskraalden grutte stikken fan de soere sângrûn. Op dy plakken ûntstienen heidefjilden en bytiden ek stosân. It Aekingersân by Appelskea hjit yn de folksmûle ek wol de 'Keale dunen'.

Benammen op dy stosânen ûntstiene lytse hichten of dúntsjes. Letter, yn de 19e iuw, nei de útfining fan keunstdong, waard de stosânen en heideterreinen (of woeste grûnen) beboske. Der waarden ynlânske soarten plante as iken en dinnen, mar ek útlânske soarten as Douglasspjirre, Amerikaanske iik of Japanske lariks.

De Vledder Aa nimt in bysûnder plak yn yn dit nasjonaal park. Dy beek is de ienige yn Nederlân dy't syn bopperin folslein yn in natuerlike omjouwing lizzen hat. In de jierren 2002 en 2003 is wurke oan it fannijs oanlizzen fan de natuerlike bopperin fan de beek.

Kultuerhistoarje

Grutte stikken fan it gebiet spilen in wichtige rol yn de esdoarpekultuer. Mar der binne al folle âldere spoaren fan bewenning. By Diever leit in hunebêd oan de râne fan it park. Net fier fan Doldersum lizze in pear grêfhichten en op ferskate plakken binne spoaren fan bewenning út it Neolitikum (Lette Stientiid) en de izertiid fûn.

Midden yn it park, fiif kilometer fan Diever, leit in ûnderdûkershoale út de Twadde Wrâldoarloch.

Floara en fauna

Sa'n grut oaniensletten natoergebiet biedt romte oan ferskate soarten planten en bisten. Nijsgjirrich om te neamen binne:

Fauna

Floara

Foar in oersjoch fan de fûgels dy't yn it Drintsk-Fryske Wâld briede, sjoch

Fûgelside fan it Drintsk-Fryske Wâld

Behear

Der binne fjouwer wichtige behearders fan dit Nasjonaal Park:

Steatsboskbehear - hat 4150 hektare yn behear (benammen yn it noardeasten by Appelskea);
Natuermonuminten - beheart 950 hektare by Diever (mei it gebiet Berkenheuvel);
It Drintske Lânskip - beheart 450 hektare by Doldersum (Doldersummerfjild);
De Maatskippij fan Weldadigheid - beheart 200 hektare bosk yn it westen fan it park (by Doldersum).

Toerisme

Yn it hiele park leit in wiidweidich stelsel fan asfaltearre fytspaden. In soad toeristen komme der dan ek om te fytsen. Steatsboskbehear hat foar mountainbikers aparte rûtes oanlein.

By Appelskea stiet it besikerssintrum Drintsk-Fryske Wâld , dêrnjonken is der in ynformaasjesintrum yn Diever.

Keppeling om utens

Boarnen, noaten en referinsjes

Boarnen, noaten en/as referinsjes:

↑ Schutte, Roy, Winkel, Renate, en Sinnema, Leonie, Natuur Drents-Friese Wold verwoest na grote brand, yn: de Ljouwerter Krante, 8 augustus 2018, s. 1.
↑ Schutte, Roy en Sinnema, Leonie, Evacuatie bij brand soepel verlopen, yn: de Ljouwerter Krante, 8 augustus 2018, s. 2.
↑ ——, Team van specialisten onderzoekt brand, yn: de Ljouwerter Krante, 9 augustus 2018, s. 1.

Wikimedia Commons

Ofbylden dy't by dit ûnderwerp hearre, binne te finen yn de kategory Drents-Friese Wold fan Wikimedia Commons.

52° 55' NB, 6° 17' EL

[1] Schutte, Roy, Winkel, Renate, en Sinnema, Leonie, Natuur Drents-Friese Wold verwoest na grote brand, yn: de Ljouwerter Krante, 8 augustus 2018, s. 1.

[2] Schutte, Roy en Sinnema, Leonie, Evacuatie bij brand soepel verlopen, yn: de Ljouwerter Krante, 8 augustus 2018, s. 2.

[3] ——, Team van specialisten onderzoekt brand, yn: de Ljouwerter Krante, 9 augustus 2018, s. 1.

[1]

[2]

[3]