Waldteufel (alemanez: "basoko deabrua") Alsazian jaio zen, musikari juduen familia batean. Bere aitak, Louisek, orkestra zuen, eta bere anaia Léon oso musikari maitatua zen. Léon Parisko Kontserbatorioan biolin ikasle gisa sartu zenean, familia osoa hara joan zen bizitzera. Parisen Émile bizitza osoa igaroko zuen.
Pianoa Parisko Kontserbatorioan ikasi zuen 1853tik 1857ra. Bere ikaskideen artean Jules Massenet eta Georges Bizet, opera konpositore ospetsuak, izan ziren. Denbora horretan, aitaren orkestra ospetsuenetarikoa bihurtu zen eta ekitaldi garrantzitsuetara joaten zen maiz.
1874ko urrian Waldteufel-ek kontzertua eman zuen Galesko printze eta Erresuma Batuko etorkizuneko erregea izango zen Eduardoren aurrean. Printzea bere "Manolo" balsak liluratu zuen, eta hori nahikoa izan zen Waldteufelen musika Britainia Handian ezagutzera emateko.
1915ean Émile Waldteufel, 77 urterekin, Parisen hil. Urte bat lehenago, 1914an, bere emaztea, Célestine Dufau abeslaria, hila zen ere bai. Bi seme eta alaba izan zituzten. Musikagilearen gorpuzkinak Parisko Père Lachaise hilerrian lurperatu zituzten.
Lan nagusiak
Askotan, pieza hauek oinarritzat hartuta, beste lanak sortu dira Europa osoan.
