Unibertsitatea-Eibar geltokia

Unibertsitatea-Eibar
	Kokapen mapa
Lineak
Kokapena
Helbidea	Torrekua kalea 2; 20600
Udalerria	Eibar, Gipuzkoa
Geltokiaren datuak
Gunea	4. gunea (Mugi) ; 5. gunea (BGP)
Irisgarria
Aldageltokia
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
Euskotren Trena	Bilbo ↔ Donostia
Bizkaibus	A3912 Bilbo - Ermua - Eibar ; A3926 Bilbo - Ermua - Eibar (Autopista)
Lurraldebus	DB02 Ermua - Donostia ; DB04 Mallabia - Ondarroa ; UK05 Zestoa - Eibar - Ermua

43°10′50″N 2°29′15″W / 43.180598°N 2.487532°W

Unibertsitatea-Eibar Euskotrenen E1 lineari dagokion erdilurperatuko tren geralekua da, Gipuzkoako Eibar udalerrian kokatuta dagoena, Bizkaiko mugan. Mugi sistemaren 4. tarifa-gunearen eta Bizkaiko Garraio Partzuergoaren 5. tarifa-gunearen barruan dago.

Bilbo-Donostia trenbidearen barne, geralekuan eskualdeko zerbitzuak eskaintzen dira Bilboko Matiko eta Donostiako Amarako geltokien artean, eta Matiko eta Elgoibarko geltokien artean ere. Zerbitzu horiez gain tranbia ezizenez ezagutzen den Ermua eta Eibar elkarlotzen dituen hiriarteko maiztasun altuko zerbitzua ere jasotzen du.

Eibarko Industria Ingeniaritza Teknikoko Unibertsitate Eskolaren parean egoteagatik hartzen du izena, geralekuak eskolari zerbitzu ematen diola.

Sarbideak

Geralekuak bi sarbide ditu, Tiburzio Anitua kaletik eskailera bidez, eta Torrekua kaletik trafiko handiko gune batetik, doitu gabeko arrapala bidez. Hala, geralekuak irisgarritasun arazo handiak ditu.^[1]