PROFILBARU.COM

Team Jayco–AlUla
Datuak
Izen ofiziala	GreenEDGE, Orica-GreenEDGE, Orica-BikeExchange, Orica-Scott, Mitchelton-Scott, BikeExchange, BikeExchange-Jayco eta Team Jayco AlUla
Izen laburra	GEC, OGE, OBE, ORS, MTS, BEX eta JAY
Mota	ProTeama eta WorldTeama
Herrialdea	Australia
Agintea
Kudeatzailea	New Global Cycling Services (en)
Entrenatzailea	Matt White (en) , Vittorio Algeri, Julian Dean, Laurenzo Lapage, David McPartland, Neil Stephens eta Matthew Wilson
Egoitza nagusi	Adelaide;
Osatuta	2019 Mitchelton-Scott (en) ; 2020 Mitchelton-Scott (en) ; 2021 BikeExchange (en) ; 2022 BikeExchange Jayco (en) ; 2023 Team Jayco AlUla (en) ; 2024 Team Jayco AlUla (en) ; Mitchelton-Scott 2018 ; Orica-BikeExchange 2016 ; Orica-GreenEDGE 2012 ; Orica-GreenEDGE 2013 ; Orica-GreenEDGE 2014 ; Orica-GreenEDGE 2015 ; Orica-Scott 2017 ; Team Jayco AlUla 2025 (en)
Historia
Sorrera	2012
	webgune ofiziala;

Team Jayco–AlUla (UCI kodea: JAY) australiar txirrindularitza talde profesionala da, UCI WorldTeam lizentzia duena (lehen talde australiarra kategoria horretan). 2012. urtean debutatu zuen.

Historia

Sorrera

2011. urtean zehar hasi ziren australiar taldea sortzen Shane Bannan, Australiako hainbat txirrindularitza egituraren buru izandakoa, eta Gerry Ryan enpresagizon australiarra. Berehala jo zuten Neil Stephens txirrindulari-ohi eta zenbait taldetako zuzendari izandakoarengana, proiektuaren kirol-atalaren buru izan zedin. Espreski taldea martxan jartzeko Gerry Ryanek sortu zuen GreenEDGE elkartea izan zen babeslea hasiera batean, beste enpresekin akordioak lortu artean.

Helburua WorldTour lizentzia lortu eta Frantziako Tourra lehiatzea zen, nahiz eta nagusia lehiatzeko aukerarik ez izan. Horrez gain, denboraldian zehar emaitza onak lortzeko moduko taldea osatu nahi izan zuten, nukleo australiarrarekin baina mundu osoko txirrindulariz osatua.

Santini arropa-marka eta SCOTT bizikleta-etxea izango ziren babesleetako bi. Subaru autoak erabiltzen zituzten, eta beste zenbait akordio txiki ere itxi zituzten.

2012ko maiatzean Orica Limited enpresa izendatu zen lehen babesle gisa, izena GreenEDGE Cycling izatetik Orica-GreenEDGE izatera pasatuz.

2012: lehen denboraldia arrakastatsua

Simon Gerrans australiarra izan zen lehen denboraldian zehar taldeburua. WorldTourreko hainbat garaipen lortu zituen: Tour Down Under australiarreko sailkapen nagusia, Milan-San Remo monumentua eta Quebeceko Sari Nagusia. Horrez gain, Amstel Gold Race klasikoan hirugarren sailkatu zen, Donostia Klasikoan bigarren, eta Australiako Txapelketa irabazi zuen errepideko modalitatean.

Michael Albasini suitzarrak ere denboraldi bikaina osatu zuen, Kataluniako Itzulia irabazteaz gain bertan etapa bat eta Suitzako Itzulian beste bat irabazi baitzituen. La Flèche Wallonnen podiumera igotzea ere lortu zuen.

WorldTourreko astebeteko itzulietan hainbat etapa ere eskuratu zituen taldeak: Daryl Impeyk Euskal Herriko Itzulian, Luke Durdbridgek Dauphiné Libérén, Svein Tuftek Eneco Tour-ean eta Aidis Kruopisek Poloniako Itzulian. Tirreno-Adriatikoko eta Eneco Toureko taldekako erlojupekoak ere irabazi zituzten.

Itzuli handietan bi etapa garaipen lortu zituzten (Matthew Goss esprinterrak Italiako Giroan eta Simon Clarkek Espainiako Vueltan (mendiko sailkapena irabazteaz gain). Matthew Gossek Frantziako Tourreko hainbat etapa podiumean amaitu zituen, eta Allan Davisek ere aukera onak izan zituen Espainiako Vueltan.

2024ko taldea

Pertsonala 2024
Txirrindularia	Jaiotza-data	Herrialdea	Aurreko taldea
Hagos Welay Berhe	2001.eko urriak 22	Etiopia	EF Education-Nippo Development (2022)
Lawson Craddock	1992.eko otsailak 20	Ameriketako Estatu Batuak	EF Education-Nippo (2021)
Alessandro De Marchi	1986.eko maiatzak 19	Italia	Israel-Premier Tech (2022)
Davide De Pretto	2002.eko apirilak 19	Italia	Zalf Euromobil Fior (2023)
Edward Dunbar	1996.eko irailak 1	Irlandako Errepublika	Ineos Grenadiers (2022)
Luke Durbridge	1991.eko apirilak 9	Australia	Jayco-AIS (2011)
Felix Engelhardt	2000.eko abuztuak 19	Alemania	Tirol KTM Cycling Team (2022)
Caleb Ewan	1994.eko uztailak 11	Australia	Lotto Dstny (2023)
Anders Foldager	2001.eko uztailak 27	Danimarka	Biesse-Carrera (2023)
Dylan Groenewegen	1993.eko ekainak 21	Herbehereak	Jumbo-Visma (2021)
Lucas Hamilton	1996.eko otsailak 12	Australia	UniSA-Australia (2017)
Chris Harper	1994.eko azaroak 23	Australia	Jumbo-Visma (2022)
Michael Hepburn	1991.eko abuztuak 17	Australia	Jayco-AIS (2011)
Amund Grøndahl Jansen	1994.eko otsailak 11	Norvegia	Jumbo-Visma (2020)
Christopher Juul-Jensen	1989.eko uztailak 6	Danimarka	Tinkoff-Saxo (2015)
Jan Maas	1996.eko otsailak 19	Herbehereak	Leopard Pro Cycling (2021)
Michael Matthews	1990.eko irailak 26	Australia	Team Sunweb (2020)
Luka Mezgec	1988.eko ekainak 27	Eslovenia	Giant-Alpecin (2015)
Kelland O'Brien	1998.eko maiatzak 22	Australia	St Kilda Cycling Club (2020)
Jesús David Peña	2000.eko maiatzak 8	Kolonbia	Colombia Tierra de Atletas-GW Bicicletas (2021)
Luke Plapp	2000.eko abenduak 25	Australia	Ineos Grenadiers (2023)
Rudy Porter	2000.eko abenduak 15	Australia	Trinity Racing (2022)
Blake Quick	2000.eko otsailak 26	Australia	Trinity Racing (2022)
Elmar Reinders	1992.eko martxoak 14	Herbehereak	Riwal Cycling Team (2022)
Mauro Schmid	1999.eko abenduak 4	Suitza	Soudal Quick-Step (2023)
Callum Scotson	1996.eko abuztuak 10	Australia	Mitchelton-BikeExchange (2018)
Campbell Stewart	1998.eko maiatzak 12	Zeelanda Berria	Black Spoke Pro Cycling (2021)
Max Walscheid	1993.eko ekainak 13	Alemania	Cofidis (2023)
Simon Yates	1992.eko abuztuak 7	Erresuma Batua	100% me (2013)
Filippo Zana	1999.eko martxoak 18	Italia	Bardiani CSF Faizanè (2022)

Iturria : ProCyclingStats