PROFILBARU.COM

Sestao
	Geltokiak sarbidea du Kasko plazan.
	Kokapen mapa
Lineak
Kokapena
Helbidea	Galtzara Nagusia, 4; 48910
Udalerria	Sestao, Bizkaia
Geltokiaren datuak
Kodea	SES
Gunea	2. gunea
Irekiera	2005eko urtarrilaren 8a
Bidaiariak	2.256.209 (2017)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea ; Bizkaiko Garraio Partzuergoa
Eragilea	Metro Bilbao
Garraio zerbitzuak
Metroa	L2Basauri - Kabiezes
Bizkaibus	A2316 Sestao - EHU ; A3122 Bilbo - Sestao - Errepelega ; A3129 Lutxana - Gurutzeta - Santurtzi ; A3135 Sestao - Kabiezes ; A3331 Sestao - Trapagaran ; A3335 Muskiz - Sestao
Bestelakoak	Santurtzi - Madril (Alsa)

Ez nahasi Bilboko Renfe Aldirien linearen Sestaoko geltokiarekin.

43°18′33″N 3°00′21″W / 43.309230°N 3.005938°W

Sestao Bilboko metroaren 2. lineari dagokion lurpeko geltokia da, izen bereko udalerriko erdigunean kokatuta dagoena, Galtzara Nagusiaren azpian, alegia. 2005eko urtarrilaren 8an ireki zen, eta Bizkaiko Garraio Partzuergoaren 2. tarifa-gunean dago. 2007ko urtarrilaren 20an Portugaleteko geltokia ireki arte 2. linearen geltoki-buru izan zen.

Sarbideak

Geltokiak bi eskailera mekanikodun sarbide, korridore bidezko sarbide bat, eta igogailu bidezko beste sarbide bat ditu.

Kasko plaza, Udaletxea (Kasko irteera)
Galtzara Nagusia, 14 (La Salle irteera)
Txikito Bidea / Fleming doktorearen kalea (Camino Txikito Bidea irteera)
Galtzara Nagusia, 2 (Kasko irteera)

Gaueko sarbideak

Kasko plaza, Udaletxea (Kasko irteera)
Galtzara Nagusia, 2 (Kasko irteera)

Geltokia

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, Kasko sarbidearen kanoia altzairu eta beirazko elementu bilakatzen da, fosterito izenpetutako bidaiaria jasotzeko sarrera gardena, alegia.^[2] Aldiz, La Salle sarbidearen kanoia agerian utzi eta ez da fosterito motatako sarrerarik erabili, eta Camino Txikito Bidea sarbidearena harrizko elementu bilakatzen da, sarbidea korridore bidezkoa eta eraikin bati atxikita dagoelako.

Geltokia igogailu, txarteldegi eta balioztatze makinaz hornituta dago. Gainera, 2015eko martxoaren 27tik doako Wi-Fi zerbitzua eskaintzen da, WifiNova enpresaren [TUWI] Metro sarearen bitartez,^[3] eta 2017an desfibrilagailua instalatu zen.^[4]