Gasteizko Santa Maria kalea Alde Zaharrean dago. Hiribilduaren jatorrizko trazatuaren hiru kaleetako bat da, Frai Zacarias Martinez eta Eskola kaleekin batera.
Alde Zaharraren goiko aldean dago, erdi-erdian. Eskola eta Frai Zacarias Martinez kaleek bat egiten duten tokian hasten da, Goiuri Jauregiaren ondoan, eta Santa Maria plazan amaitzen da.
290 metro inguruko luzera du. Ezkerreko espaloian 19 zenbakiraino iristen da eta eskuinekoan 10raino.
Henrike Knörr eta Elena Martínez de Madina Salazarrek idatzitako “Toponimia de Vitoria I – Gasteizko toponimia I[1]” (Euskaltzaindia, 2009) liburuaren arabera,1855 martxoaren 5ean eman zitzaion izena kaleari, aurretik Goiuri moduan ezagutzen zen.
Trafikorako irekita dago.