Maurice Papon (mɔʁis papɔ̃, moʁ- ahoskatua; Gretz-Armainvilliers, 1910eko irailaren 3a - Pontault-Combault, 2007ko otsailaren 17a) frantziar goi-funtzionario eta politikaria izan zen. Hainbat kargu izan zituen administrazioan 1931 eta 1981 artean, horien artean Girondako departamenduko prefekturako idazkari nagusia, Konstantinako prefektua, Aljerian, 1961eko Parisko sarraskiaren garaian Parisko poliziaburua, eta Raymond Barreren gobernuko aurrekontu-ministroa 1978tik 1981era. Urte horretan bertan, 1981ean, Le Canard enchaîné aldizkariak Paponek naziekin izandako lankidetza dokumentatua eta Bigarren Mundu Gerran juduen jazarpenean parte hartu zuela salatu zituen, Vichyko erregimeneko funtzionarioa zen bitartean.
1998an, hamazazpi urteko epaiketen ostean, gizadiaren aurkako krimenengatik zigortu zuten, eta hamar urteko kartzela zigorra ezarri zioten. Paponek helegite bide guztiak agortu zituen, eta bere errugabetasuna aldarrikatu zuen beti. Suitzara ihes egiten saiatu zen, baina harrapatu egin zuten eta hiru urte eman zituen kartzelan, 2002an, 92 urte zituela, bere osasun egoeragatik askatu zuten arren.
_-_53Fi1793_(Maurice_Papon).jpg)
.png)
