PROFILBARU.COM

Marine Le Pen
	; (2022) Irudi gehiago
; Frantziako Nazio Biltzarreko kidea
Pas-de-Calais-eko departamendu kontseiluko kidea
; Frantziako Nazio Biltzarreko kidea
conseiller régional des Hauts-de-France (en)
; Europarlamentaria
; Fronte Nazionalako Alderdiko burua
; Europarlamentaria
; Europarlamentaria
Île-de-France-ko eskualde kontseiluko kidea
Bizitza
Jaiotzako izen-deiturak	Marion Anne Perrine Le Pen
Jaiotza	Neuilly-sur-Seine, 1968ko abuztuaren 5a (56 urte)
Herrialdea	Frantzia
Lehen hizkuntza	frantsesa
Familia
Aita	Jean-Marie Le Pen
Ama	Pierrette Lalanne
Ezkontidea(k)	Franck Chauffroy (1997ko ekainaren 7a - 2000ko apirila); Éric Iorio (2002ko abendua - 2006ko ekaina)
Bikotekidea(k)	ikusi Louis Aliot;
Seme-alabak	ikusi Jehanne Chauffroy; Mathilde Chauffroy; Louis Chauffroy;
Haurrideak	ikusi Marie-Caroline Le Pen; Yann Le Pen;
Familia	ikusi Marion Maréchal (sororal niece (en) ); Nolwenn Olivier (en) (sororal niece (en) ); Jany Le Pen (amaorde); Philippe Olivier (koinatu);
Leinua	Le Pen familia
Hezkuntza
Heziketa	Panthéon Assas Unibertsitatea
Hezkuntza-maila	Zuzenbidean Masterra
Hizkuntzak	frantsesa
Jarduerak
Jarduerak	politikaria, abokatua, cadres de la fonction publique (en) eta professions libérales et assimilés (en)
Lantokia(k)	Estrasburgo eta Brusela
Jasotako sariak	ikusi [[]] (2015) ;
Sinesmenak eta ideologia
Erlijioa	katolizismoa
Alderdi politikoa	Fronte Nazionala
	mlafrance.fr

Marine Le Pen (Neuilly-sur-Seine, 1968ko abuztuaren 5a - ) frantses politikari bat da, Front National eskuin muturreko alderdiaren burua. Jean-Marie Le Pen alderdiko presidentearen alaba, abokatua lanbidez, gaztetatik izan da Fronte Nazional alderdiko kidea. 2000ko hamarkadan hasi zen alderdiaren baitan postu nabarmenak hartzen. 2004 urtean Europako Parlamentuko diputatu aukeratua izan zen. Frantzian beste kargu politiko batzuetarako aukeratua ere izan da.

Adierazi izan da bere karrera politikoaren hasieran bere aita baino diskurtso samurragoa zuela, immigrazioaren inguruan, adibidez, baina oihartzun zabala izan duten polemika mediatiko zenbaitetan ere parte hartu du, hala nola, Frantziako kaleetan musulmanek egiten dituzten otoitz kolektiboen aurka, 'okupaziotzat' jo izan dituenak. 2017ko maiatzean, Emmanuel Macronekin lehiatu zen Frantziako presidentetzarako hauteskundean, baita hura galdu ere hautagai aurkariaren aurrean.

2021ean, Fronte Nazionalaren buruzagitza utzi zuen 2022ko hauteskunde presidentzialetarako hautagai izateko. Hauteskundeen lehen itzulian bigarren postua lortu zuen eta bigarren itzulian Emmanuel Macronen aurka lehiatu zen berriro. 2017an bezala, Emmanuel Macronek irabazi zuen, baina Le Penek botoen % 41,5 lortu zituen, aurreko hauteskundeetan baino 7 puntu gehiago.

Front National alderdiaren presidentea (2011-)

2011ko urtarrilaren 16ean, alderdiko militanteen bozketa baten ostean, Front Nationaleko presidente aukeratua zuten % 67,5eko bozekin, Bruno Gollnisch hautagaia gaindituz, eta bere aitaren, alderdiaren sortzailearen, errelebua hartuz. 2011ko martxoan, Le Parisien egunkariak egindako inkesta batean lehenengo postua esleitu zioten Frantziako presidentetzarako hauteskundeen lehenengo itzulian % 23ko bozekin, Nicolas Sarkozy eta Martine Aubryren aurretik; azken hauek % 21ko ehunekoa erdietsi zuten.

Alderdia "desdeabrutzeko" ideia tinkoarekin, aukeratua izandako hilabetean Front Nationaleko Alexandre Gabriacen kanporatzea agindu zuen, Interneten agerturiko argazki batzuetan nazi agurraren keinua egiteagatik. Horri buruz, FNn mota horietako jokabideak onartezinak zirela esan zuen, ideologia nazkagarri baten parte zirelako.

2011ko ekainean ezagutzera eman zen Valéry Le Douguet-ek, frantziar mason garrantzitsu batek,idatzi zuela Front Nationalaren justizia programa osoa 2012ko Frantziar hauteskundeetarako.

Jarrera politikoak

2010eko Paris-Match aldizkariarentzako entrebista batean, ideologia politikoari buruzko bere ideiak azaldu zituen, baita Frantziako presidentea bihurtu ezkero hartuko lituzkeen neurriak ere, hauen artean heriotz-zigorra berrezartzeko referendum bat, mugen itxiera, euroaren abandonua edota protekzionismo ekonomikoa. Hortaz gain, "puntuzko gizartea" proposatu du, kotxeen eta gida baimenetan egiten den bezala. Abortuari buruz, France Inter frantziar aldizkarian esan zuen inoiz ez zela egon abortoaren legea debekatzearen alde.

Kanpo-politikan Frantzia OTAN-etik ateratzea eta Errusiarekin erlazioak hobetzea proposatzen du. Gainera FMI, Banko mundiala eta OMC entitate ekonomikoen existentzia bera zalantzan jartzen du.

Bizitza pribatua

Marine Le Pen Jean-Marie Le Pen-en hiru alabetan gazteena da. Bere aita Front National alderdi politikoaren presidentea izan zen 1972tik 2011ra; bere ama Pierrette Lalanne aitaren lehen emaztea izan zen. Saint-Cloudeko Florent Schmitt eskolan ikasle izan zen eta, ondoren, Sorbona unibertsitatean zuzenbidea ikasi zuen. Bere unibertsitate urteetan, Pariseko ikasle nazionalen zirkuluan (CNEP) parte hartu zuen, Front National alderdiaren inguruko ikasle-mugimendu bat, denboraldi batez ohorezko presidentea bilakatuz.

Hiru semeen ama, Frank Chauffroy-rekin ezkondu zen, Front Nationalaren alde lan egin zuen enpresa-zuzendaria eta, geroago, Éric Loriorekin ezkondu zen, FNren idazkari ohi eta Nord-Pas-de-Calaiseko kontseilari erregional bat, baina azken honetatik dibortziatua da egun. Egungo bikotekidea Louis Aliot da, FNko presidenteordea eta alderdiko idazkari orokorra 2005etik 2010era.