José Cadalso (Cádiz, 1741eko urriaren 8a - Gibraltar, 1782ko otsailaren 26a) espainiar idazle eta militarra izan zen. Komandante izatera iritsi zen. 1771. urtean Sancho García tragedia eman zuen argitara. Bereak dira, halaber, Numancia tragedia, Los eruditos a la violeta (satira, 1772). Cadalsoren ospea, hil ondoren argitaratu ziren Cartas marruecas (1789) eta Noches lúgubres lanei zor zaie. Lehenengoan, kritika zorrotzak egin zizkien Espainiari eta espainiarrei. Bigarrena, aldiz, itxaropenik gabeko maitasun-olerkiek osatzen dute; arrakasta handia izan zuten erromantiko gazteen artean.
Erreferentziak
