Bartzelonan jaioa eta Cantonigròsen oso sustraituta, laster joan zen Iruñera bizi izatera, aitak han baitzuen lana. Nafarroako hiriburuan bizi izan zen 1972ra arte. Iruñean, frantses eskola batean egin zituenez lehen ikasketak, frantsesez ikasi zuen irakurtzen eta idazten, gaztelaniaz baino lehenago. Umetatik hasi zituen musika ikasketak. Geroago, familia Kataluniara itzuli zenean, Bartzelonan kokatu ziren, eta han jarraitu zituen musika ikasketak. Zenbait abesbatzatan kide izan zen eta hamar urtez aritu zen Kataluniako Gazte Perkusionista Orkestran. Txikitatik dantza klasikoan sartu zen, eta 25 urte bete arte egin zuen dantza. Can Brians-eko Espetxe Zentroan boluntario aritu zen, 2001-2003 bitartean SiFaSol abesbatza zuzendu baitzuen.
Cantonigròseko Nazioarteko Musika Jaialdiaren sortzaileetako bat da eta batzorde antolatzaileko kide izaten jarraitzen du[2], ekoizpen batzordean. 1986tik dabil Catalunya Ràdio kateetan zuzendari eta gidoilari gisa, irratigintzaren alderdi gehienetan. Baita ere, Osona.com egunkari digitalean idazten du.
Irakurketa klubetan parte hartzeaz gain, berriketaldiak, aurkezpenak eta hitzaldiak eskaini ditu Katalunian zehar, Espainiako hainbat lekutan, baita L'Alguer, Mosku, Leipzig, Berlin eta Krakovia hirietan ere. Varsoviako Liburu Azokan idazle katalanen ordezkaritzako kide izan zen 2016an.[3]
Llibreter 2011 izeneko saria irabazi zuen La nevada del cucut (Kukuaren elurtea) eleberriarekin,[4]Alghero Donna literatura eta kazetaritzako saria 2015ean, La casa del silenci lanaren italiar itzulpenagatik.[5]
Iruñetik Bartzelonara
2022ko hasieran argitaratutako Constel·lacions eleberrian lau belaunaldiko familiaren potret autobiografiko bat egin zuen. Aitona zaharrak ehun urte bete behar dituen asteburuan, familia osorik biltzen da haren inguruan.
Eleberria den heinean fikzioko lantzat hartu behar den arren, osagai autobiografikoak ugariak dira liburuan. Egileak aitortu zuenez, liburua idazten hasteko ideia sortu zitzaion aitak Fernando ArambururenPatria eleberria irakurri zuenean. Izan ere, orduan aitortu zion aitak zergatik aldatu ziren Iruñetik Bartzelonara, bat-batean, 1972an: ETAren xedeen zerrenda batean agertu zen haren izena.[6] Gertakari hori garrantzizkoa izan arren, dena dela, ez da Constal·lacions eleberriaren hari narratibo bakarra; horrekin batera, aitonak Gerra Zibilean izandako bizipenen arrastoa, astronomian barrena egindako ikasketak, seme-alaben, biloben eta birbiloben amodioak eta ibilerak... dira eleberriaren mosaikoa.[7]
Argitaratutako lanak
Eleberri hauek argitaratu ditu Blanca Busquetsek:[8]
Presó de neu (Elur kartzela). Bartzelona: Proa, 2003.
El jersei (Jertsea). Bartzelona: Rosa dels Vents, 2006.
Tres a Puigcerdà (Trena Puigcerdàra). Bartzelona: Rosa dels Vents, 2007.
Vés a saber on és el cel (Jakin ezazu non dagoen zerua). Bartzelona: Rosa dels Vents, 2009.
Le nevada del cucut (Kukuaren elurtea). Bartzelona: Rosa dels Vents, 2010.
La cas del silenci (Isiltasunaren etxea). Bartzelona: Rosa dels Vents, 2013.
Paraules a mitges (Erdizka esandako hitzak). Bartzelona: Rosa dels Vents, 2014.
Jardí a l'obaga (Itzalpeko lorategia). Bartzelona: Proa, 2016