Alexandra Ioanna Stan —Alexandra Stan izenez ezaguna— (Konstantza, Errumania, 1989ko ekainaren 10a) ingelesezko abeslaria da. Bere herrialdean lehen urratsak eman ostean, 2011n argitaratu zuen "Mr. Saxobeat" abestiaren eskutik ospetsu egin zen nazioartean. Urte baten buruan singlearen milioi bat kopia baino gehiago saldu zituen, eta hogei herrialde baino gehiagotan "Mr. Saxobeat" bost abesti entzunenen artean egotera iritsi zen. Arrakastaren ondoren iritsi ziren single andanak eta "Saxobeats" (2011) eta "Unlocked" (2014) albumek Alexandra Stanen fama egonkortu zuten. Besteak beste, 2011ko MTV Europa Musika Sarietako Errumaniar abeslari onenaren saria irabazi zuen.
_SAM_2829_(cropped).jpg)
