Aiurri Gipuzkoako Andoain eta Urnieta herrietako aldizkaria da, 2004az geroztik astean behin argitaratua. Buruntzaldeko eta Beterriko beste herri batzuetako informazioa ere jasotzen du: Aduna, Amasa-Villabona, Asteasu, Larraul eta Zizurkil herrietakoa, alegia.[1] Lankidetzan aritzen da 28 irratiarekin eta 28 telebistarekin.[2]
2019an zuzendaria Jon Ander Ubeda zen, eta erredaktoreak Xabier Lasa, Mikel Arberas eta Andoni Urbistondo. Maketatzailea Maddi Trutxuelo zen.[3]
Etxez etxeko harpidetza-sistemaren bidez banatzen da. Ale batzuk eskuratu daitezke kiosko eta merkatalguneetan.
2013ko udazkenean arazo ekonomikoengatik hilabetez itxi behar izan zuten, eta langileak erregulazio-espedientea sartu ziren. Aldizkariak hiru zutoin nagusi zituen aurrera egin ahal izateko: erakundeen diru-laguntzak, publizitatea eta harpidedunak; eta hiru zutoinetatik lehen biek behera egin zuten.[4]
Erreferentziak
Ikus, gainera
Kanpo estekak
