Universitato de Marburg

Philipps-Universität Marburg
publika universitato comprehensive university ^(en)
Informoj
fondodato	1-an de julio 1527
Situo
Geografia situo	50° 48′ 39″ N, 8° 46′ 25″ O (mapo)50.8108333333338.7736111111111Koordinatoj: 50° 48′ 39″ N, 8° 46′ 25″ O (mapo)
lando	Germanio
urbo	Marburg, Hesio, Germanio
Estraro
gvidanto	Volker Nienhaus
ĉefestro(j)	Thomas Nauss ^(en) (2022–) ^vd
Nombroj
nombro de studentoj	26 820 (stato oktobro 2015)
nombro de kunlaborantoj	4 450 (2014)
el tio profesoroj	358 (2014)
retejo	Oficiala retpaĝaro [+]
Listoj
membro de
Asocio por la promocio de germana esplorreto Asocio de Eŭropaj Universitatoj Scienca Informa Servo Germana Altlerneja Sporta Asocio Konferenco de Altlernejaj Rektoroj nacia asocio pri infrastrukturo de esploraj datumoj ^vd
filiita al
Compostela Group of Universities ^(en) ^vd
filioj
Institute of Art History, Philipps-Universität Marburg ^(en) Chemikum Marburg ^(en) ^vd
Partoj Partoj Marburg University Library ^(en) , Marburg Institute for Innovation Research and Business Start-up Promotion ^(en) , Institute of Art History, Philipps-Universität Marburg ^(en) kaj Chemikum Marburg ^(en) ^vd
Philipps-Universität Marburg (Hesio) DEC
Philipps-Universität Marburg (Germanio) DEC
Philipps-Universität Marburg

La universitato de Marburg – germane oficiale Philipps-Universität Marburg, historie latine Alma Mater Philippina – fondiĝis dum la jaro 1527 fare de la landgrafo Filipo la Grandanima de Hesio kiel luterana altlernejo. Temas pri la plej malnova luterana universitato nuntempe ankoraŭ ekzistanta. La universitato nuntempe havas iom pli ol 26.000 studentoj (en oktobro 2015, komence de la vintra semestro, ekzakte estis 26 820) kaj en komparo kun aliaj universitatoj de Germanio estas mezgranda. Pluraj fakultatoj, inter medicino, juro aŭ ĥemio, havas aparte bonan renomon. La urbo Marburg estas kompare malgranda, kaj la universitato je granda parto influas la urban vivon.

historia universitata konstruaĵo

Bildoj de iuj modernaj universitataj konstruaĵoj

• 
  prelegeja konstruaĵo
• 
  naturscienca konstruaĵoj en la kampuso "Lahnberge"
• 
  biomedicina esplorcentro
• 
  universitata klinikaro (komence de 2006 privatigita)

Famaj personoj ligitaj al la universitato

• Emil von Behring - nobelpremiito pri medicino
• Gottfried Benn - poeto, precipe lirikisto
• la Fratoj Grimm
• Johannes Hartmann, erudiciulo, kemiisto, kuracisto, rektoro kiu okupis la unuan katedron pri Kemiatrio en la Universitato de Marburgo
• Heinz Heimsoeth, filozofo
• Miĥail Lomonosov
• Boris Pasternak - rusa poeto, nobelpremiito
• Alfred Wegener - kreinto de la teorio pri la moviĝo de la kontinentoj, de la platotektoniko
• Christian Wolff - (1679 - 1754) profesoro, kreis la bazon de la germanlingva filozofia terminologio
• Hannah Arendt (1906-1975) german-usona filozofino, politikologino

Esperanto kaj la universitato

Estante universitata urbo, Marburg jam frue dum la 20-a jarcento havis Esperanto-grupon, kiu ĉiam je granda parto konsistis el studentoj kaj kunlaborantoj de la universitato. El inter la movadaj eventoj en la urbo ekzemple menciiĝu, ke inter la 27-a de decembro 1969 kaj la 3-a de januaro 1970 la 13-a Internacia Seminario de Germana Esperanto-Junularo okazis en Marburg kaj pritraktis la temon "Tendencoj en la literaturo de nia epoko". Proksime de Marburg, en Wetzlar, ankaŭ okazis la Internaciaj Seminarioj de 1984/1985, 1995/1996, 1999/2000 kaj 2004/2005. Regula movada evento en Marburg ĉiujare dum junio estas la Kafoklaĉa Internacia Somera Renkontiĝo (KISO). Al la urba universitato interalie ligiĝis la esperantisto kaj esperantologo Helmut Welger, kiu mortis dum majo 2008.

Fakultatoj

Komence la universitato havis fakultatojn pri juro, luterana teologio kaj medicino. Ĝis la jaro 1964 aldoniĝis fakultatoj pri filozofio kaj matematiko-natursciencoj, antaŭ ol laŭ hesia universitata leĝo de 1970 la universitato novdividiĝis al 20 fakultatoj. Post la jaro 1997 iuj fakultatoj estis unuigitaj, kio klarigas truojn en la nuna numerigo. Tiel la nombro de fakultatoj reduktiĝis al aktuale 16. La nombroj komenciĝas per la literoj "FB" – mallongigo por la germana vorto "Fachbereich" por fakultato.^[1]

FB 01 - Juro FB 02 - Ekonomiko FB 03 - Sociaj sciencoj kaj filozofio FB 04 - Psikologio FB 05 – Luterana teologio

FB 06 - Historio kaj kulturaj sciencoj FB 09 - Germanistiko kaj historio de arto FB 10 – Pliaj lingvaj fakoj FB 12 - Matematiko kaj informadiko FB 13 - Fiziko FB 15 - Ĥemio

FB 16 - Farmacio FB 17 - Biologio FB 19 - Geografio FB 20 - Medicino FB 21 - Pedagogio

Referencoj

1. universitata retejo: la fakultatoj (paĝo germana)

Eksteraj ligiloj

• Retejo de la universitato germane