Fakultato estas esprimo, kiu koncernas la strukturon de universitatoj.
- Science fakultato estas grupo da fakoj en universitato (medicina, pedagogia k.s.). (Iu) fakultato do distingas sin de aliaj tiaj fakogrupoj. La grupigo de fakoj al fakultato ofte havas historiajn kialojn kaj tial diferencas inter universitatoj. La titolo de la fakultatestro ofte estas dekano.
- Organize oni nomas fakultato la aron de la instruistoj en tia fakogrupo. Precipe en Nordameriko oni tiel distingas la instruistaron disde la studentaro kaj la administrantaro. Tiusence ano de "la fakultato" estas kutime profesoro aŭ docento.
Lingvouzo en AIS
Por eviti la duflankan uzon de la termino "fakultato" AIS San-Marino preferas ne uzi ĝin. Ĝi grupigas siajn fakojn en sekciojn, fakarojn kaj subfakarojn. Por distingi la instruantojn de la studantoj ĝi uzas la esprimojn "profesoraro" kaj "docentaro"; ĉi-lasta inkluzivas la unuan.
Ankaŭ vidu
