La preĝejo Stefano la 1-a (Hungario) estas sakrala konstruaĵo en urbo Százhalombatta (Hungario).
Historio
Pri frua historio de katolikoj en Százhalombatta vi legu: Preĝejo Sankta Ladislao (Százhalombatta)!
Pro industriiĝo de la urboj novaj loĝantoj alvenis (ankaŭ katolikoj). Tiel la malnova kirko jam ne sufiĉis. Oni fondis fondaĵon en 1992, poste la municipo donacis areon por nova preĝejo. Ĝi estis konstruita laŭ planoj de Imre Makovecz, la konsekrinto estis Nándor Takács. La altaro estis kreita en 1998, poste aliaj instalaĵoj.
Konstruaĵo
La konstruaĵo situas en herbejo. En mezo de la fasado la turo reliefas. Malsupre estas la enirejo, en la turo sola sonorilo loĝas. Super la enirejo estas prezento de la suno kun 2 grandaj flugiloj. En ĉirkaŭaĵo de la urbo oni trovis pli ol cent kurganojn el la ferepoko. La grandega kupolo de la preĝejo, kiu estas tenita en ringa formo de betonformaj arboj, simbolas la kurganon. La romia historio de la areo memorigas nin per la blankaj muroj tranĉantaj tra la kupoloj. Interne la spaco estas ronda.
Kermeso okazas en la 20-an de aŭgusto.
Fontoj
-
Enirejo
-
Flanka vido
-
Parta vido
-
Malantaŭa parto
-
Interna vido
