Patraso

Koordinatoj: 38° 15′ 00″ N 21° 44′ 00″ O (mapo)

Patraso
greke: Πάτρα
urbo
Oficiala nomo: Πάτρα
Lando	Grekio
Duoninsulo	Balkano
Regiono	Okcidenta Grekio
Prefekturo	Aĥeo
Historiaj regionoj	Antikva Grekio, Helena civilizo
Parto de	Peloponezo
Montaro	Panachaiko
Rivero	Glafkos
Situo	Patraso
- alteco	10 m s. m.
- koordinatoj	38° 15′ 00″ N 21° 44′ 00″ O (mapo)
Plej malalta punkto
- alteco	0 m s. m.
Areo	335 km² (33 500 ha)
Loĝantaro	213 984 (2011)
Denseco	638,76 loĝ./km²
Fondo	782 a.K.
Horzono	OET (UTC+2)
- somera tempo	OEST (UTC+3)
Poŝtkodo	26x xx
Telefona antaŭkodo	2610
Aŭtokodoj	ΑΧ,AZ
Situo enkadre de Grekio Situo enkadre de Grekio
Vikimedia Komunejo: Patras
Retpaĝo: www.e-patras.gr, www.patrasevents.gr

la romia konstruaĵo Odeum en Patraso

Patraso vidata el fortreso

Patraso (greke: Πάτρα, malnovgreke: Πάτραι Pátrai, latine Patrae, otomana turka lingvo: Ballıbadra) estas la tria plej granda urbo de Grekio, en la nordokcidento de la preskaŭinsulo Peloponezo. Dum antikvaj tempoj, ĝi estis la ĉefurbo de la regiono kaj - dum la romia epoko de Grekio - romia provinco Achaea. La urbo troviĝas 215 kilometrojn okcidente de la nacia ĉefurbo Ateno. Patraso konstruiĝis piede de la monto Panachaikon, borde de la Golfo de Patraso.

En 2011 la tuta komunumo de Patraso, pligrandigita dum la antaŭaj jaroj, enhavis 213984 loĝantojn en ĉirkaŭ 335 km².^[1]

Historio

Laŭ la helena mitologio, Patraso estis fondita de la aĥajo Patreo (Πατρεύς, elp. Patreus), kiu fuĝis el Sparto, iĝis reĝo de la urbeto Aroe kaj unuigis ĝin kun du apudaj vilaĝoj, donante al la nova urbo sian nomon.^[2]

Historie, Patraso estis aĥaja urbeto kaj estas ankaŭ verŝajne ke ĝi formiĝis pro la unuiĝo de pluraj vilaĝoj.

En la 2-a jarcento a.K. la tuta Heleno falis sub la Romianoj. Patraso iĝis grava urbo en la areo, kun la nomo Patrae.

Ĉirkaŭ 1210 Vilhelmo de Champlitte konkeris la urbon, kiu apartenis al la Bizanca Imperio, kaj kreis la Aĥajan Princlandon. En la 15-a jarcento la urbo apartenis mallonge al la Venecia respubliko kaj poste al la Moreja despotlando; en 1458 la Otomana Imperio kaptis ĝin kaj tenis ĝin ĝis 1828, krom dum la jaroj de 1687 al 1715, kiam ĝi estis denove sub la Venecia respubliko.

Post 1828 Patraso estis ĉiam parto de Grekio.

Vidindaĵoj

650px

Servoj

• Malferma Universitato Helena

Famuloj

En Patraso naskiĝis:

• en 1856 Matilde Serao itala verkistino kaj ĵurnalistino
• en 1859 Kostis Palamas greka poeto
• en 1913 Memos Makris greka-hungara skulptisto

kaj mortis:

• en la jaro 60 Sankta Andreo apostolo, martiro sub Nerono

Partneraj urboj

Inter la partneraj urboj estas ankaŭ

• Focșani / Fokschan / Foksány / פֿאָקשאַן [fokŝan] en Rumanio

Notoj kaj referencoj

1. greke Αποτελέσματα της Απογραφής Πληθυσμού−Κατοικιών 2011 που αφορούν στο Μόνιμο Πληθυσμό της Χώρας Arkivigite je 2017-05-17 per la retarkivo Wayback Machine, 28.12.2012.
2. antikve-greke Paŭzanio - Priskribo de Grekio - 1-a jarcento p.K. - 7.18.5. La vilaĝoj estis sep laŭ Strabono.