Orselina estas komunumo de la Komunumaro Locarno kaj la Distrikto Locarno en Kantono Tiĉino, Svislando. Ĝi havis 753 loĝantojn je la 31-a de decembro 2011.
Geografio
Orselina situas sur la suda deklivo de la Monto Bré nordoriente de la urbo Locarno kun bela vido al la Majora Lago. La komunumo konsistas el la frakcioj Orselina kaj San Bernardo.[1]
La teritorio de la komunumo etendiĝas sur areo de 1,94 km², de kiuj 70,9% estas kovritaj de arbaro, 1,5% servas por agrikulturo kaj 27,6% por setlado.
[2]
Najbaraj komunumoj
La komunumo Orselina limas en nordo al Avegno-Gordevio, en oriento al Minusio, en sudo al Muralto, kaj en okcidento al Locarno.
Trafiko
En Orselina finiĝas la svisa aŭtovojo A13. De la centro de Locarno funikularo kondukas al la Madonna del Sasso en Orselina. De tie aertelfero kondukas al Cardada sur la kulmino de Monto Bré.
Historio
La unua dokumenta mencio de Orselina datiĝas el la jaro 1182 kiel Concilio Meziano. En la jaro 1323 aperis la unuan fojon la mencio Orsarina. Ĝis 1803 la najbararao nomiĝis Consiglio Mezzano. En 1803 Orselina konstruiĝis kiel komunumo kaj al ĝi apartenis ankaŭ la hodiaŭa frakcio Muralto, kiu disiĝis de Orselina en la jaro 1881 kaj fariĝis memstara komunumo.[3]
Notoj kaj referencoj
Eksteraj ligiloj
Bildoj
-
Haltejo de la funikularo al Locarno
-
Preĝejo San Bernardo en Orselina
-
Madonna del Sasso en Orselina
-
Fuĝo el Egipto de Bramantino en la preĝejo Madonna del Sasso en Orselina
