Avegno-Gordevio estas komunumo de la Komunumaro Maggia kaj la Distrikto Vallemaggia en Kantono Tiĉino, Svislando. Ĝi havis 1426 loĝantojn je la 31-a de decembro 2011.
Geografio
Avegno-Gordevio situas en la suba parto de la Valo de Maggia ĉe la orienta bordo de la rivero Maggia, 10 kilometrojn norde de Locarno. La komunumo konsistas el la vilaĝoj Avegno, Avegno Chiesa, Avegno di Fuori, Gordevio, Villa kaj Brié. [1]
La teritorio de la komunumo etendiĝas sur areo de 27,34 km², de kiuj 63,6% estas kovritaj de arbaro, 10,0% servas por agrikulturo kaj 3,7% por setlado.
[2]
Najbaraj komunumoj
La komunumo Avegno-Gordevio limas en nordo al Brione (Verzasca), en nordoriento al Lavertezzo, en orientonordoriento al Corippo, en oriento al Brione sopra Minusio, en sudoriento al Minusio, en sudo al Orselina, en sudokcidento al Terre di Pedemonte, kaj en okcidento kaj nordokcidento al Maggia.
Trafiko
Tra Avegno-Gordevio pasas la kantona ĉefvojo n-ro 407, kiu kondukas al la Valo de Maggia. Pere de la buslinio n-ro 10 de Locarno al Cevio kaj Lavizzara la komunumo estas konektita al la publika transportreto.
Historio
La unua dokumenta mencio de Avegno datiĝas el la jaro 1189 kiel Vegno.
[3] La unua dokumenta mencio de Gordevio okazis 11 jarojn poste en la jaro 1200 kiel de gordauio.
[4] La aktuala komunumo Avegno-Gordevio estis fondita la 20-an de aprilo 2008 per la kunigo de la ĝis tiam aŭtonomaj komunumoj Avegno kaj Gordevio surbaze de baloto de la 29-a de aprilo 2007.[5]
Notoj kaj referencoj
Eksteraj ligiloj
