Netivot (hebreeנְתִיבוֹת, Nəṭīvōt, signifante vojoj, arabeنيتيفوت)) estas urbo en suda Israelo. Ĝi situas en la regiono Besor, inter Beerŝeba kaj Gazao, ĉe la okcidenta Negevo. La urbo, situanta 30 km kaj de Aŝkelon kaj de Be'er Ŝeba, havas 35 631 loĝantojn (2018) [1].
Laŭ la stato de 2016 en la urbo vivis 31 314 loĝantoj sur areo de 5,63 kvadrataj kilometroj, kio rezultigas loĝdenson de 5 566 loĝantoj/km².
Historio
Netivot estis fondita la 10-an de majo 1956, kiel enmigrinta komunumo kaj estis komence nomita Azata. Ilia nuna nomo estis prenita de la Libro de Proverboj en la Biblio: "kaj iliaj vojoj estas paco" (Sentencoj 3:17). Ĝi estas konsiderita ekzemplo de israela evoluurbo. Ekde ĝia fondo, la urbo suferis de alta senlaboreco, malalta investo kaj relativa malriĉeco.
La loĝantaro konsistas ĉefe el orientaj judoj, parencoj kaj posteuloj de judoj forpelitaj el arabaj landoj kaj poste alvenis enmigrintoj el iama Sovetunio.
Male al la najbaraj evoluurboj Ofakim kaj Sderoto, la urbo spertis iun pliiĝon en la lastaj jaroj. Netivot fariĝis pilgrimloko ekde tiam du gravaj nuntempaj rabenoj estas entombigitaj en la municipa tombejo:
Baba Sali (rabeno Jisrael Abu-ĥacejra)
Rabeno Ŝalom Ifargan
Ĉe la ĉiujara memorfestivalo por la rabenoj, centoj da miloj da religiaj judoj venas kaj preĝas ĉe iliaj tomboj [2].
En la lastaj jaroj, ĝia graveco kiel pilgrimloko rezultigis la karakteron de la urbo iĝanta ĉiam pli religia kaj sekve religiaj institucioj estis establitaj tie [3].
La urbo situas sur la ĉefŝoseo de Beerŝeba al Aŝkelon. En februaro 2015, la urbo estis ligita al la israela fervojreto per la nova Aŝkelon - Beer Sheva fervoja linio.
La 27-an de decembro 2008, Netivot estis trafita por la unua fojo per raketo lanĉita de la Gaza Sektoro. Ekde tiam ĝi fojfoje suferis de raketlanĉoj [4]. En la atako de Hamaso kontraŭ Israelo, dekoj da loĝantoj estis murdpafitaj.
La ĉefa ekonomia sektoro de la urbo estas agrikulturo.
