La Moderuloj (svede: Moderaterna, plene: Moderata samlingspartiet) estas politika partio en Svedio, fondita en 1904 kun la nomo Allmänna valmansförbundet. La partio poras liberalan konservativismon kaj kutime konsideratas kiel "dekstra" aŭ "burĝa" en la sveda politiko. Ĝi estas la due plej granda partio en la sveda parlamento (post la sveda socialdemokratia partio).
Antaŭ la parlamenta elekto en 2006, la Moderuloj formis la parti-koalicion "Alianco por Svedio" kune kun tri aliaj burĝaj partioj: Kristdemokraterna, Folkpartiet, kaj Centerpartiet. La "Alianco por Svedio" gajnis la elekton, kaj la tiama partiestro de la moderuloj, Fredrik Reinfeldt, fariĝis ĉefministro de Svedio.
En la elekto de 2014, la Alianco malgajnis, kaj Reinfeldt forlasis la postenojn de ĉefministro kaj partiestro. En januaro 2015 partiestro post li fariĝis Anna Kinberg Batra.
Ekde oktobro de 2022, la partio estas unu el la tri koaliciaj partioj en la registaro de ĉefministro Ulf Kristersson.
.jpg){kind=small}
