László Szelestey [lAslO seleŝtei], laŭ hungarlingve kutima nomordo Szelestey László estis hungarapoeto, juristo, parlamenta deputito. Lia nobela antaŭnomo estis felsőszelestei (laŭ alia informo alsószelestei).
László Szelestey lernis en Kőszeg, Sopron, Szombathely, poste li studis en Jura Akademio (Győr), fine li akiris juran diplomon en Reĝa Universitato de Pest en 1842, advokatan diplomon en la sekva jaro. Tamen li laboris nur mallonge, kiel juristo. Dum la studentaj jaroj en 1837 lia debuta poemo aperis, en 1842 jam lia debuta poemaro aperis. En la 1840-aj jaroj li apartenis al la opozicia rondo, eĉ li batalis por la hungara revolucio de 1848. En 1854 li vidviĝis, tial li translokiĝis al Pest (urbo), poste li fondis literaturan revuon. En 1860 li estis ĉefnotario de Vas (historia departemento), dum la mallonga sesio li estis parlamentano (1861). En 1864 li estis akuzita pro konspiro, li restis en prizono ĝis 1867. Inter 1871-1875 li denove estis parlamentano. Li havis la titolon reĝa konsilisto. Liaj poemoj similis al de Sándor Petőfi.
