Joseph von Eichendorff

Joseph von Eichendorff
Persona informo
Joseph von Eichendorff
Naskonomo	Joseph Karl Benedikt von Eichendorff
Naskiĝo	10-an de marto 1788 (1788-03-10) en Castle Lubowitz
Morto	26-an de novembro 1857 (1857-11-26) (69-jaraĝa) en Nysa
Mortis pro	Naturaj kialoj ^vd
Mortis per	Pneŭmonito ^vd
Tombo	Nysa ^vd
Religio	katolika eklezio ^vd
Etno	Germanoj ^vd
Lingvoj	germana ^vd
Loĝloko	Jánský Vrch (kastelo) ^vd
Ŝtataneco	Reĝlando Prusio ^vd
Alma mater	Universitato de Hajdelbergo - jurisprudenco (1807–) Universitato Marteno Lutero de Wittenberg-Halle - jurisprudenco (1805–1806) Catholic Secondary School of St. Matthias in Wrocław ^(en) (1801–) Universitato de Vieno ^vd
Subskribo
Memorigilo
Familio
Dinastio	Eichendorff ^vd
Patro	Adolph von Eichendorff ^(en) ^vd
Patrino	Karoline von Eichendorff ^(en) ^vd
Gefratoj	Wilhelm Eichendorff ^(en) kaj Luise Eichendorff ^(en) ^vd
Edz(in)o	Aloysia von Eichendorff ^(en) (1815–1855) ^vd
Infanoj	Hermann Eichendorff ^(en) , Therese von Eichendorff Besserer-Dahlfinger ^(en) , Rudolf von Eichendorff ^(en) ^vd
Parencoj	Karl Eichendorff ^(en) (nepo) Hartwig von Eichendorff ^(en) (nepo) ^vd
Profesio
Okupo	verkisto dramaturgo taglibristo tradukisto poeto-juristo romanisto ^vd
Aktiva en	Vroclavo • Gdańsk • Berlino ^vd
Verkado
Verkoj	Aus dem Leben eines Taugenichts ❦ The Marble Statue ^vd
Honorigoj Honorigoj (1853)  Maksimiliano-Ordeno ^vd
^vd	Fonto: Vikidatumoj

Joseph Karl Benedikt von EICHENDORFF (* la 10-an de marto 1788 ĉe Kastelo Lubowitz apud Racibórz, † la 26-an de novembro 1857 en Neisse, hodiaŭa nomo: Nysa) estis germana poeto kaj unu el la plej famaj reprezentantoj de la germana romantikismo. En Halle starigitis Eichendorff-benko por lia honoro.

Verkokarakteriziĝo

En sia verkaro li montras la kontraston inter la reala mondo, karakterizita de la strebo al posedo, kaj sopirita fabeleca mondo, en kiu la homoj finfine trovu pacon kaj harmonion. Oftaj temoj en lia verkaro estas sopiroj al la foro kaj al la patrio. Tre bone tio videblas en la rakonto El la vivo de netaŭgulo. Ĝi temas pri junulo, kiu forlasas sian hejmon por serĉi sian feliĉon en la malproksimo. Post multaj aventuroj li finfine revenas hejmen kaj konstatas, ke li povas trovi ĉion sopiritan ankaŭ en sia hejmo.

La lirikan verkaron de Eichendorff karakterizas simpla lingvaĵo kaj – ofte ripetiĝantaj – naturaj motivoj, kiel ekz. montoj, arbaroj kaj ĝardenoj. Multaj lirikaĵoj aperis en la prozaj verkoj de la aŭtoro kaj famaj komponistoj (ekz. Robert Schumann) faris el ili kvazaŭ popolkantojn.

Famaj verkoj

• Ahnung und Gegenwart (1815)
• Das Marmorbild (1819)
• Aus dem Leben eines Taugenichts (1826)
• Das Schloss Dürande (1834)
• Gedichte (1837)

El liaj verkoj

Melankolio

Mi vagis boske, vale

en tarda frisko for,

ploremis akvofale

profunde en la kor'.

Kaj el pratempaj fruoj

vekiĝe val' salutis

kvazaŭ de foraj fluoj,

kiujn la nokt' englutis.

La suno dronis fore,

apenaŭ brizo ventis,

maldormis mi dumhore,

solece kamp' silentis.

(tradukis Henryk Wenzel)

En Esperanto aperis

• El la vivo de netaŭgulo. (Aus dem Leben eines Taugenichts.) El la germana tradukis Paul Bennemann. Desegnaĵoj de Lisa Beyer-Jatzlau. - Limburg (Lahn): Limburger Vereinsdruckerei, [s. j.]. - 140 paĝoj.
• La gaja migranto Arkivigite je 2007-09-27 per la retarkivo Wayback Machine. (Der frohe Wandersmann.) Tradukis L. Zamenhof. En: Fundamenta Krestomatio, paĝo 332.
• La gaja migranto. (Der frohe Wandersmann). Tradukis Ludwig Emil Meier. En: Esperantista kantaro, 1907.
• Kiu do, arbaro, vin alte kreis tiel bela? (Wer hat dich, du schöner Wald, aufgebaut so hoch da droben?) Tradukis Bernhard Loesche. Melodio de Felix Mendelssohn Bartholdy (1840). - En: Elekto el "Germana kanttrezoro" de Erk, Leipzig: Peters, 1930, paĝoj 27–28.
• Lasta saluto Arkivigite je 2003-01-28 per la retarkivo Wayback Machine; Vi havas belajn vortojn Arkivigite je 2003-01-28 per la retarkivo Wayback Machine. Tradukis Karl Vanselow. En: Norda Prismo 58/2, paĝo 74.
• Tri noveloj. (Das Marmorbild; Das Schloss Dürande; Die Entführung.) El la germana tradukis Reinhard Haupenthal. - Würzburg: Eichendorff-Gesellschaft, 1985. - 184 paĝoj.
• Vigla vojaĝo (Frische Fahrt); Luna nokto (Mondnacht); Sorĉa vergo (Wünschelrute); La soldato (Der Soldat). Tradukis Guido Holz. En: Übertragungen = Transkondukoj, Messkirch: Gmeiner, 1988, paĝoj 43–45. ISBN 3-926633-14-X.
• Lunnokto (Mondnacht). Tradukis Roland Platteau. 2004.
• Printempe verdas nia land' (Ich reise übers grüne Land). Tradukis Albrecht Kronenberger 1997. Melodio de Hermann Engel. En: ADORU - Ekumena Diserva Libro, 2001, n. 614. ISBN 3-9803793-5-3.
• Stratoj, placo forlasitaj (Markt und Strassen stehn verlassen). Tradukis Adolf Burkhardt 1979. Melodio de Hermann Kirchner. En: ADORU - Ekumena Diserva Libro, 2001, n. 919. ISBN 3-9803793-5-3.

Kanto en Esperanto

• En la fremdujo, muzikfilmeto de Krysztof Daletski

Eksteraj ligiloj

• Vicifontaro
• ligiloj ĉe DDB
• verkoj ĉe Zeno.org
• hejmpaĝo de Eichendorff-Forum