La kacuro estas somerverda foliarbo aŭ grandarbusto, kiu povas kreski de 10 ĝis 30 metrojn. La arbokrono estas maldensa kaj globforma. La arboŝelo estas brungriza. La radikoj kreskas malprofunde sen stolonoj. La arbo vivas tre longe.
La folioj kreskas ĉe longŝosoj. La mallongŝosoj havas po nur unu folio. La folirando de la kor- aŭ ren-formaj folioj estas noĉitaj.
Generativaj aspektoj
La arboj plej ofte estas dioikaj. La ruĝetaj floroj aperas en majo.
La malgrandaj folikloj havas brunan koloron.
La kromosomnombro estas 2n = 38.
La kacuro originas el Orientazio, precipe el Japanujo kaj Ĉinujo. Naturaj arealoj troviĝas apud Japanujo en jenaj ĉinaj provincoj: suda kaj okcidenta Anhujo, suda Gansuo, nordorienta Gŭiĝoŭo, sudokcidenta Henano, Hubejo, nordokcidenta Hunano, nordorienta Ĝjangŝjio, suda Ŝenŝjio, sudokcidenta Ŝanŝio, Siĉuano, nordorienta Junano kaj nordokcidenta Tibeto. Ĝi kreskas tie en arbaroj, en arbarrandoj kaj laŭlonge de riveroj en altecoj inter 600 kaj 2700 metroj.
En moderaj zonoj ĝi ofte estas plantita en ĝardenoj kaj parkoj. Tie ĝi apenaŭ kreskas pli ol 12 metrojn. Ĝi volonte kreskas en maldensaj arbustejoj. Ĝi preferas malkompaktajn, humriĉajn kaj nutraĵriĉajn grundojn. Ĝi ne toleras sekecon.
Ornamformoj
La ornamformoj de Cercidiphyllum japonicum f. pendulum kaj Cercidiphyllum japonicum f. miquelianum kaj la kultivaroj 'Rotfuchs', 'Heronswood Glo', 'Peach', 'Raspberry', 'Ruby', 'Strawberry' kaj 'Tidal Wave'.
Bildoj
folioj
branĉoj de masklaj floroj
branĉofino kun inaj floroj
arboŝelo
Literaturo
Bruno P. Kremer: Steinbachs großer Pflanzenführer. Ulmer, Stuttgart 2005, ISBN 3-8001-4903-6.
