Edward Śmigły-Rydz propranome Edward Rydz, pseŭdonimo Śmigły, Tarłowski, Adam Zawisza (n. 11-a de marto 1886 en Bereĵani, ukraine Бережани, pole Brzeżany[noto 1] en Podolio, nuna Ukrainio, m. la 2-an de decembro 1941 en Varsovio, estis pola politikisto, marŝalo de Pollando, ĉefkomandanto de la Pola armeo dum defenda milito el la jaro 1939, formale dum 17 tagoj sekvanto de la prezidanto de Pollando.
La karieron komencis kiel komandanto de la 3-a bataliono de Polaj Legioj. Kiam Józef Piłsudski kaj Kazimierz Sosnkowski estis malliberigitaj en Magdeburgo, ekgvidis Polan Militaran Organizaĵon (POW). Dum la pola-bolŝevika milito, en la rango de generalo-leŭtenanto komandis i.a. 3-an kaj 2-an Armeon. En 1935, post morto de Piłsudski, estis nomumita de prezidento Ignacy Mościcki ĝenerala inspektisto de Armitaj fortoj, kaj jaron poste en kontroversiaj cirkonstancoj nomumita marŝalo de Pollando.
La 1-an de septembro 1939, unuan tagon de la germana invado en Pollandon, Ignacy Mościcki nomumis lin Supera Komandanto. Tagon post la soveta invado en Pollandon transiris kune kun sia stabo landlimon kun Rumanio, kie estis internigita. La 26-an de oktobro 1941 sekrete revenis de Budapeŝto al Varsovio, kie la 29-an kaŝe ekloĝis kiel Adam Zawisza kaj restis konspire ĝis la morto en decembro 1941.
Notoj
- ↑ 1,0 1,1 Kelkaj fontoj indikas la naskolokon de Rydz-Śmigły vilaĝoj Łapszyn aŭ Leśniki, situantaj proksime de Bereĵani.
Bibliografio
- Stanley S. Seidner, Marshal Edward Śmigły-Rydz Rydz and the Defense of Poland. New York, 1978.
- Ryszard Mirowicz, Edward Rydz-Śmigły: działalność wojskowa i polityczna (Edward Rydz-Śmigły. Militista kaj politika agado), Instytut Wydawniczy Związków Zawodowych, Warszawa 1988. ISBN 83-202-0603-0.
Eksteraj ligiloj
.svg){kind=small}
