Ardeoj estas vadbirdoj de familio Ardeedoj. Foje tiu ĉi nomigo utilas por ĉiu birdo de tiu familio. Tamen pli taŭga estas la uzo de tiu nomado por la membroj de la genro Ardea, kiu enhavas almenaŭ 11 speciojn. Krome aliaj 3 specioj estas ordigataj ĉu ankaŭ en tiu genro ĉu en genro Egretta kaj pro tio ili estas nomitaj egretoj.
Temas pri altaj birdoj kun longaj pintaj bekoj kaj kruroj. La ĉefa diferendiga eco estas ke ĉiu faldas sian kolon dumfluge (laŭ S-formo). Kelkaj havas specifajn tufplumaron ĉekape aŭ ĉekole. Bekoj kaj kruroj povas kolorŝanĝi dum la periodo pariĝada. Ambaŭ seksoj estas similaj escepte pri la malgranda botaŭroIxobrychus minutus. Ili nestas en arbaj kolonioj aŭ inter kareksaro laŭ la specio. Ili vivas en akvaj regionoj ĉelagaj, ĉeriveraj, ĉemarĉaj, ktp.
