Abraham Arden BRILL (12a de oktobro, 1874 – 2a de marto, 1948) estis aŭstridevenapsikiatro kiu pasigis sian preskaŭ tutan plenkreskan vivon en Usono. Li estis la unua psikoanalizisto kiu praktikis en Usono kaj la unua tradukisto de Sigmund Freud en anglan.[1]
Studinte kun Eugen Bleuler en Zuriko, Svisio,[1] li renkontiĝis kun Freud, kun kiu li entreprenis korespondadon ĝis la morto de Freud en 1939.[1] Li revenis en Usonon en 1908 por iĝi unu el la plej fruaj kaj plej aktivaj defendantoj de psikoanalizo, kaj la unua kiu tradukis al angla plej el la ĉefaj verkoj de Freud, same kiel librojn de Jung. Lia unua traduko de Freud aperis en 1909 kiel Some Papers on Hysteria;[2] kaj kvankam la kvalito de liaj tradukoj foje estas plibonigebla, lia ĝenerala kontribuo al la disvastigo de psikoanalizo en Usonon ne povas esti forgesita.[3] Li kampanjis por akademia agnosko de sia fako, prelegis en la Universitato Kolumbio, kaj iĝis klinika profesoro de psikiatrio en la Universitato de Novjorko.[1] Li ankaŭ praktikis psikoanalizon.
