Chwaraewr pêl-droed Cymreig yw Wayne Robert Hennessey (ganwyd 24 Ionawr 1987). Mae'n chwarae i Nottingham Forest yn Uwch Gynghrair Lloegr a thîm cenedlaethol Cymru.
Gyrfa clwb
Dechreuodd Hennessey gydag Academi Manchester City ond bu rhaid i'r teulu symud o Ynys Môn i fyw yng Nglannau Dyfrdwy er mwyn ei alluogi i deithio i Manceinion[2].
Gadawodd Manchester City pan yn 16 mlwydd oed wedi i'r clwb ffafrio Kasper Schmeichel fel eu dewis cyntaf i'r tîm ieuenctid a symudodd i Wolverhampton Wanderers. Cafodd ei gêm broffesiynol cyntaf tra ar fenthyg gyda Stockport County a llwyddodd i dorri record y Gynghrair Bêl-droed am gadw llechen lan mewn naw gêm yn olynol[3].
Chwaraeodd 166 o gemau i Wolverhampton Wanderers dros gyfnod o wyth tymor, gan gynnwys tri thymor yn Uwch Gynghrair Lloegr cyn symud i Crystal Palace ym mis Ionawr 2014.
Gyrfa ryngwladol
Mae Hennessey wedi ennill capiau i dimau cenedlaethol Cymru dan17, dan 19 a dan 21 a llwyddodd i sgorio yn erbyn Twrci dan19 â chic rhydd.[4].
Cafodd ei gap cyntaf i dîm cenedlaethol Cymru fel eilydd ail hanner yn y gêm gyfeillgar ar Y Cae Ras,Wrecsam yn erbyn Seland Newydd ym mis Mai 2007[5]. a casglodd ei 50fed cap yn erbyn Cyprus ym mis Medi 2015[6].
Chwaraeodd ym mhob un o gemau Cymru yn ymgyrch rhagbrofol Pencampwriaeth UEFA Euro 2016, gan ildio pedair gôl yn unig. Cafodd ei gynnwys yng ngharfan 23-dyn Cymru ar gyfer y bencampwriaeth ond bu rhaid iddo fethu'r gêm agoriadol yn erbyn Slofacia oherwydd problem gyda'i gefn[7].
Cyfeiriadau
