Strwdel

Crwst o ddalennau teneuon o does o amgylch llenwad meddal yw strwdel[1] (Almaeneg: Strudel, sef trobwll) sydd yn tarddu o goginiaeth Canolbarth Ewro

Strwdel
Strwdel
Mathcrwst, saig Edit this on Wikidata
Deunyddwy, siwgr, blawd, olew llysiau, phyllo Edit this on Wikidata
GwladAwstria, Hwngari Edit this on Wikidata
Dechrau/Sefydlu1696 Edit this on Wikidata
Enw brodorolStrudel Edit this on Wikidata
Dynodwyr
Freebase/M/05m8_w edit this on wikidata
Tudalen Comin Ffeiliau perthnasol ar Gomin Wicimedia
Strwdel afalau

Crwst o ddalennau teneuon o does o amgylch llenwad meddal yw strwdel[1] (Almaeneg: Strudel, sef trobwll) sydd yn tarddu o goginiaeth Canolbarth Ewrop. Gwneir fel rheol ar ffurf rhôl hir, yn aml wedi ei phlygu mewn siâp pedol neu dorch, ac wedi pobi câi'r strwdel ei dorri'n sleisiau er mwyn ei fwyta, naill ai yn boeth neu'n oer.[2]

Cymysgir blawd, wyau, ychydig o fenyn, a chymhareb uwch na'r arfer o ddŵr i wneud toes sidanaidd a ellir ei rolio neu dynnu'n denau iawn. Dodir y toes ar liain, gydag ychydig o flawd, ar fwrdd mawr er mwyn ei dynnu gyda'r dwylo, ac yn draddodiadol dywedir bod yn rhaid ei ymestyn cymaint fel bod modd darllen papur newydd trwyddi. Er mwyn troi'r toes yn rhôl hir, caiff ei frwsio gyda menyn toddi a thaenir briwsion bara arno cyn gosod y llenwad ar hyd ben y ddalen. Codir y lliain fel bo'r toes yn rholio i fyny ar ochr arall y bwrdd. Câi'r rholyn ei droi'n siâp droelleg, fel arfer, a rhoddir rhagor o fenyn toddi arno cyn ei roi yn y ffwrn i'w bobi.[2]

Esiampl nodweddiadol yw'r Apfelstrudel, sydd yn boblogaidd yn Awstria a'r Almaen, sydd yn cynnwys afalau ac weithiau rhesins. Mae llenwadau eraill yn cynnwys cnau Ffrengig mâl, hadau'r pabi gwyn wedi eu berwi, ceirios a sinamon, a chaws ceulaidd gyda sbeisys a melysyddion. Mae strwdel yn debyg i felysfwydydd eraill a wneir o grwst tenau megis ffilo sydd yn boblogaidd yn y Balcanau a'r Dwyrain Agos, er enghraifft baclafa.

Cyfeiriadau

  1. ↑ Geiriadur yr Academi, "strudel".
  2. ↑ 2.0 2.1 Alan Davidson, The Oxford Companion to Food (Rhydychen: Oxford University Press, 2006), t. 783.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.