PROFILBARU.COM

Cydnabyddiaeth Ryngwladol o Wladwriaeth Palesteina
Enghraifft o'r canlynol	erthygl sydd hefyd yn rhestr, diplomatic recognition
Gwladwriaeth	Gwladwriaeth Palesteina
	Ffeiliau perthnasol ar Gomin Wicimedia

Mae cydnabyddiaeth ryngwladol o Wladwriaeth Palesteina, gan fwyaf, yn gydnabyddiaeth gan y corff priodol i wnued hynny, sef y Cenhedloedd Unedig. Y cefndir i hyn ydy gwrthdaro Israelaidd-Palesteinaidd a ddeilliodd oherwydd fod cenedl y Palesteiniaid wedi colli eu tir i Israel pan grëwyd gwladwriaeth Israel yn 1948. Yn 1948 gorfodwyd cannoedd o filoedd o Balesteiniaid i ffoi o'u cartrefi yn yr hen Balesteina Adnabyddir y ffoedigaeth hon gan y Palesteiniaid fel Al Nakba (Arabeg: النكبة‎ "Y Drychineb").

Yn gryno

Ar 14 Hydref 1974, cydnabyddwyd Mudiad Rhyddid Palesteina (neu'r PLO) gan Gynulliad y Cenhedloedd Unedig (UN) a rhoddwyd yr hawl iddynt i gymeryd rhan yn nhrafodaethau'r Cynulliad Cyffredinol pan drafodir statws y genedl.^[1]

Ar 22 Tachwedd 1974, ehangwyd eu hawliau i gymeryd rhan ym mhob trafodaeth.^[2]

Ar 15 Rhagfyr 1988, derbyniwyd a chymeradwywyd "Datganiad o Ymreolaeth Palesteina" gan Cynulliad Cyffredinol; Cynnig 43/177.^[3]

Ar 29 Tachwedd 2012, rhoddwyd i'r PLO statws arsylwi (Observer state status) gan Gynulliad Cyffredinol y Cenhedloedd Unedig.

Cydnabyddiaeth cyn 2012

Cyhoeddwyd Palesteina'n Wladwriaeth ar y 15fed o Dachwedd 1988 yn Algeria mewn cyfarfod arbennig o alltudion Cyngor Cenedlaethol Mudiad Rhyddid Palesteina (y PLO). Cynsail cyfreithiol hyn oedd Penderfyniad Cynulliad Cyffredinol y Cenhedloedd Unedig, (Penderfyniad 181 (II) a gymeradwywyd ar 29 Tachwedd 1947, a oedd yn dod a hawliau Prydain i ben ac yn rhannu Israel yn ddwy wladwriaeth.

O fewn dim, cymeradwywyd y Datganiad gan nifer o wledydd:^[4] ac erbyn diwedd y flwyddyn daeth cefnogaeth i'r cydnabyddiaeth hwn gan 80 o genhedloedd.^[5]

Y Cenhedloedd Unedig

Ar 29 Tachwedd 2012, derbyniwyd cynnig a oedd o flaen Cynulliad y Cenhedloedd Unedig a oedd yn newid statws Paleseina i fod yn "Wladwriaeth heb fod yn aelod" ("non-member state"). Roedd nifer y gwledydd a gytunodd â'r cynnig yn 138 a'r nifer o wledydd a oedd yn erbyn y cynnig yn 9; cafwyd 41 o wledydd a ataliodd eu pleidlais.^[6]^[7] Golygai hyn fod y Cenhedloedd Unedig yn derbyn sofraniaeth Palesteina fel Gwladwriaeth a hynny gyda mwyafrif eithriadol.

Y gwledydd a bleidleisiodd yn erbyn y cynnig oedd: Israel, yr Unol Daleithiau, Ynysoedd Marshall, Canada, Gweriniaeth Tsiec, Micronesia, Nawrw, Palaw a Panama.

Cydnabyddiaeth gan awdurdodau eraill

Ar 29 Medi 2012 derbyniwyd cynnig gan Lywodraeth yr Undeb Ewropeaidd a oedd yn datgan eu bod yn "Cefnogi ac yn galw ar eu haelodau (gwledydd) i gefnogi hawl y Paleseiniaid i gael eu cynrychioli fel gwladwriaeth oddi fewn y Cenhedloedd Unedig."^[8]

Galwodd Pab Bened XVI am roi statws Gwladwriaeth i Balesteina yn ystod ei ymweliad i Israel yn 2009. Cyfarfu Mahmoud Abbas, sef Cadeirydd Awdurdod Cenedlaethol Palesteina (PNA) eto ym Mehefin 2011.^[9]^[10]^[11]

Ar 3 o Hydref 2014 cafwyd anerchiad gan Brif Weinidog Sweden y byddai ei wlad yn cydnabod cenedl Palesteina ac yna ar 13 Hydref 2014 pleidleisiodd Llywodraeth y DU o 274 i 12 o blaid cydnabod Palesteina yn genedl.^[12]^[13]^[14]

Yn Ionawr 2016 cyhoeddodd y Fatican fod eu "Cytundeb gyda Gwladwriaeth Palesteina" wedi dod i rym. Mae eu defnydd o'r gair "gwladwriaeth" yma'n holl bwysig, gan ei fod yn cefnogi'n llwyr statws di-aelod llawn i'r Palesteiniaid yng Nghynulliad Cyffredinol y Cenhedloedd Unedig.^[15]

2012 UN General Assembly resolution granting Palestine a non-member observer status.

Gweler hefyd

Cyfeiriadau

↑ UNGA, 14Hydref 1974; Resolution 3210 (XXIX). Invitation to the Palestine Liberation Organization Archifwyd 2011-01-03 yn y Peiriant Wayback (doc.nr.A/RES/3210 (XXIX))
↑ UNGA, 22 Tachwedd 1974; Resolution 3237 (XXIX). Observer status for the Palestine Liberation Organization Archifwyd 2012-12-27 yn y Peiriant Wayback (doc.nr. A/RES/3237 (XXIX))
↑ UNGA, 15 Rhagfyr 1988; Resolution 43/177. Question of Palestine Archifwyd 2015-07-17 yn y Peiriant Wayback (doc.nr. A/RES/43/177)
↑ Tessler, Mark (1994). A History of the Israeli–Palestinian conflict (arg. 2nd, illustrated). Indiana University Press. t. 722. ISBN 978-0-253-20873-6. "Within two weeks of the PNC meeting, at least fifty-five nations, including states as diverse as the Soviet Union, China, India, Greece, Yugoslavia, Sri Lanca, Malta, and Sambia, had recognized the Palestinian state."
↑ United Nations Educational, Scientific and Cultural Organization, Executive Board (12 May 1989). "Hundred and thirty-first Session: Item 9.4 of the provisional agenda, Request for the Admission of the State of Palestine to UNESCO as a Member State" (PDF). United Nations. tt. 18, Annex II. Cyrchwyd 2010-11-15.CS1 maint: multiple names: authors list (link)
↑ "Palestinians win implicit U.N. recognition of sovereign state". Reuters. 29 November 2012. Archifwyd o'r gwreiddiol ar 2014-06-05. Cyrchwyd 29 November 2012.
↑ "UN makes Palestine nonmember state". 3 News NZ. November 30, 2012. Archifwyd o'r gwreiddiol ar 2013-01-16. Cyrchwyd 2012-12-07.
↑ Parliament of the European Union (29 September 2011). "European Parliament resolution of 29 September 2011 on the situation in Palestine" (PDF). yr Undeb Ewropeaidd. Cyrchwyd 2011-10-13.
↑ Agence France-Presse (3 Mehefin 2011). "Pope agrees on 'urgent need' for Palestinian state". Ahram Online. Archifwyd o'r gwreiddiol ar 2018-09-23. Cyrchwyd 2011-08-01.
↑ Holy See. "Bilateral relations of the Holy See". Secretariat of State. Cyrchwyd 2010-11-20. Italic or bold markup not allowed in: |publisher= (help)
↑ Staff writers (5 June 2011). "Pope Benedict meets Palestinian president". Independent Catholic News. Cyrchwyd 2011-08-01. Italic or bold markup not allowed in: |publisher= (help)
↑ [1]^{[dolen farw]}
↑ Beaumont, Peter (3 October 2014). "Sweden to recognise state of Palestine". The Guardian. London. Cyrchwyd 14 October 2014.
↑ "MPs back Palestinian statehood alongside Israel". BBC News. BBC. 14 October 2014. Cyrchwyd 14 October 2014.
↑ rt.com; adalwyd Ionawr 2016