Zuberoa

Emañ Zuberoa en hanternoz d'ar Pireneoù hag er sav-heol

Kumunioù Zuberoa

Kastell Maule.

Panell "Donemat" e yezh Zuberoa.

Zuberoa (anvet Xiberua pe Xiberoa e rannyezh Zuberoa) eo ar vihanañ eus ar 7 proviñs a ya d'ober Euskal Herria, en hanternoz d'ar Pireneoù. Maule-Lextarre eo ar gêr-benn. Xiberotarrak a vez lâret eus tud ar vro e rannyezh Zuberoa.

Kantonioù

Rannet eo kumunioù ar broviñs etre daou ganton dreist-holl:

• kanton Maule-Lextarre, 19 kumun ennañ,
• kanton Atharratze-Sorholüze, 16 kumun ennañ.

Kumunioù all zo ivez er-maez an daou ganton-se:

• 7 a zo e kanton Donapaleu,
  • Arüe-Ithorrotze-Olhaibi
  • Domintxaine-Berroeta
  • Etxarri
  • Jeztaze
  • Lohitzüne-Oihergi
  • Ozaraine-Erribareita
  • Pagola
• unan all zo e kanton Oloron.
  • Eskiula.

Arondisamant

Stag eo an daou ganton ouzh arondisamant Oloron-Sainte-Marie, a zo e Bearn. Ar 7 kumun a zo e kanton Donapaleu avat a zo stag ouzh arondisamant Baiona.

Yezh ha sevenadur

Yezh

Perzhioù dibar zo da euskareg Zuberoa. Un dra a weler diouzhtu war ar panelloù-hent eo an "ü" ha n'emañ ket er yezh a-hend-all. Miret eo bet ivez distagadur ar gensonenn "h". Ouzhpenn-se ez eus dibarderioù all er yezhadur hag er c'heriaoueg.

Sevenadur

Brudet eo dañsoù Zuberoa hag ar c'hoari rebot, ur c'hoari polotenn.

Armerzh

Ar sevel deñved ha saout hag an aozañ keuz (boued) a zalc'h c'hoazh kalzik a dud war ar maez er menezioù. Brudet eo ar c'heuz deñved (Ardi gazne) a vez gwerzhet pe war al lec'h pe er stalioù dindan anvioù Ossau-Iraty pe Etorki.

Anavezet eo ivez ar botoù anvet spadrilhoù, graet e kêr Maule.

Levrlennadur

• Le Pays de Soule (Pierre Bidart ed.), Ed.Izpegi, Baigorri, 1994.
• Juan José Lapitz, Amar a Euskalerría conociéndola 1984 Fuenterrabía (ISBN 84-400-5011-9)
• Marc Large, "Xan de l'Ours", préface de Renaud, Éditions Cairn, 2008