Юзэфа Віктараўна Ждановіч (1912, в. Доржы, цяпер Ашмянскі раён — ?) — беларуская народная казачніца. Скончыла польскую школу. Некалькі гадоў жыла ў Вільні, працавала наборшчыцай у друкарні[1].
Многа чытала беларускіх, рускіх і польскіх вершаў, складала ўласныя. Большасць казак, якія Ждановіч засвоіла пераважна ад маці, уяўляюць драматычныя варыянты адной тэмы — кахання. Легендарныя казкі набывалі ў яе рэпертуары гумарыстычнае адценне. Казкі пра Папялушку, Спячую царэўну, Чырвоную Шапачку, ведзьму і царэвіча казачніца рабіла лірычнымі, надаючы стылю рытмічнасць[1].
Казкі Ждановіч увайшлі ў зборнік «Беларускія народныя казкі» (1966, Берлін, на нямецкай мове)[1].