Хвошч вялікі

Хвошч вялікі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Папарацепадобныя Клас:  Хвошчападобныя Падклас:  Equisetidae Парадак:  Хвашчовыя (Equisetales) Сямейства:  Хвашчовыя (Equisetaceae) Род:  Хвошч Від:  Хвошч вялікі
Міжнародная навуковая назва
Equisetum telmateia Ehrh., 1783
Сінонімы
Equisetum majus Gars., 1767
Падвіды
Equisetum telmateia braunii (Milde) Hauke Equisetum telmateia telmateia Ehrh.
Сістэматыка на Віківідах Выявы на Вікісховішчы ITIS   17162 NCBI   3260 EOL   596756 IPNI   20007435-1 TPL   tro-26602014

Хвошч вялікі (Equisetum telmateia) — расліна сямейства хвашчовых.

Апісанне

Шматгадовая споравая расліна вышынёй 25—120 см з доўгім паўзучым галінастым карэнішчам. Сцёблы членістыя, рабрыстыя, дыморфныя. Спараносныя (веснавыя) сцёблы бурыя, тоўстыя, са стробілам даўжынёй 3—8 см і похвамі з 20—30 зубцамі; неспараносныя (летнія) — зялёныя, галінастыя, з вялікай цэнтральнай поласцю; галіны накіраваны коса ўверх.

Спараносіць у красавіку. Размнажэнне споравае і вегетатыўнае.

Арэал

Барэальны атлантычна-міжземнаморскі горны рэліктавы від. Пашырэнне: Сярэдняя і Атлантычная Еўропа, Скандынавія, Міжземнамор’е, Каўказ, Малая Азія, Паўночная Амерыка. У Беларусі знаходзіцца ў адзіным ізаляваным месцазнаходжанні за ўсходняй мяжой арэала. Расце адзіночнымі экзэмплярамі і невялікімі групамі.

Ахова

Занесены ў Чырвоную кнігу Беларусі з 1981 года.

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін — Мн.: Беларуская Энцыклапедыя, 1993. — ISBN 5-85700-095-5
• Дорофеев А. М., Сюборова С. Ф. Они не должы исчезнуть: Книга для учащихся — Мн.: Народная асвета, 1987. — 200 с.: ил. — 89 000 экз. — С. 132. (руск.)