Свята-Міхайлаўская царква — праваслаўны храм у в. Нач Ганцавіцкага раёна Брэсцкай вобласці.
Знаходзіцца на могілках. Пабудавана ў 1870 г. з дрэва.
Помнік народнага дойлідства. Вырашана прамавугольным з 2-граннай алтарнай часткай зрубам пад вальмавым дахам, вынас якога на фасадзе падтрыманы 4 слупамі. Сцены прарэзаны прамавугольнымі аконнымі і дзвярнымі праёмамі. У канцы 1980-х гадоў сцены абабітыя нерыфлёным шыферам.