PROFILBARU.COM

Міхаіл Барздыка
Міхаіл Барздыка
Імя пры нараджэнні	Міхаіл Фёдаравіч Барздыка
Дата нараджэння	14 студзеня 1944 (81 год)
Месца нараджэння	Шклянцы, Бярозкаўскі сельсавет, Бягомльскі раён, Мінская вобласць, БССР, СССР;
Грамадзянства	Беларусь;
Род дзейнасці	мастак, графік
Месца працы	архітэктурны факультэт БНТУ;
Жанр	станковая графіка[d], афорт і кніжная графіка
Вучоба	архітэктурны факультэт БНТУ (1973); Маскоўскі паліграфічны інстытут (1986);
Член у	Беларускі саюз мастакоў;

Міхаіл Фёдаравіч Барздыка (нар. 14 студзеня 1944, в. Шклянцы, Докшыцкі раён, Віцебская вобласць) — беларускі графік.

Біяграфія

Нарадзіўся 14 студзеня 1944 года ў вёсцы Шклянцы Докшыцкага раёна. Скончыў у 1973 годзе архітэктурны факультэт Беларускага політэхнічнага інстытута, у 1986 годзе Маскоўскі паліграфічны інстытут. Удзельнік мастацкіх выставак з 1976 года^[1].

У 1976-1977 гадах выкладаў на архітэктурным факультэце Беларускага політэхнічнага інстытута^[1]. 3 1975 года супрацоўнічаў з беларускімі выдавецтвамі.

У 1979—1989 гадах дзейнічала творчая незалежная суполка трох мастакоў «БУКУБ» (Бушчык, Кузняцоў, Барздыка).

Член Беларускага саюза мастакоў з 1990 года. Жыве ў г. Мінску^[1].

Творчасць

Працуе ў станковай (пераважна афорт), кніжнай графіцы. Асноўныя творы: лісты «Вятры часу», «Доўгі шлях», «Напярэдадні», цыклы афортаў «Снежаньскія дні», «Снежаньскія забавы», «Дні лістапада», «Падабенствы», «Прадчуванне налёту»^[1]. Творчасць адметная спалучэннем філасофскага разумення жыцця і лірычнай інтэрпрэтацыі (дыптых «Воблакі і камяні», 1988; «Метамарфозы», 1992; «Варыяцыі на тэму восені», 1994; «Падабенства», 1995, і інш.).

У 2001 годзе праілюстраваў выданне кнігі «Сымон-музыка» Я. Коласа^[2]. Многія творы прысвечаны Плешчаніцам і Лагойскаму раёну.

Творы знаходзяцца ў Нацыянальным мастацкім музеі Беларусі, Рускім музеі (Санкт-Пецярбург), пінакатэцы Рыпэ-Сан-Джынезіа (Італія), музеі сучаснага мастацтва «Шамальер» (Францыя), муніцыпальным музеі мастацтва, г. Дзьёр (Венгрыя)^[1].

Узнагароды

Узнагароджаны сярэбраным медалём Еўрапейскай Акадэміі мастацтваў на 22 міжнародным салоне графікі ў Бельгіі (1992), залатым медалём на міжнародным конкурсе графікі ў Валоніі, Бельгія (1993)^[1].

Зноскі

↑ ^а ^б ^в ^г ^д ^е Барздыка Міхаіл Фёдаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
↑ Борздыко Михаил Федорович Архівавана 23 ліпеня 2012.

Літаратура

Барздыка Міхаіл Фёдаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Памяць: Гіст.-дакум. хроніка Лагойскага раёна: У 2 кн. Кн. 2. / Рэд. кал. Г. П. Пашкоў (гал. рэд.) і інш.; Маст. Э. Э. Жакевіч. — Мінск.: БелЭН, 2004. 488 с. — С. 341—342