Казімір Свёнтак

Яго Эмінэнцыя Казімір Свёнтак
Mater Misericordiae Маці Міласэрнасці
1-ы Кардынал-прэсвітар з тытулам царквы Сан-Джэрарда-Маела 26 лістапада 1994 — 21 ліпеня 2011
Царква	Каталіцкая Царква
Пераемнік	Рубен Саласар Гомес
1-ы Арцыбіскуп-Мітрапаліт Мінска-Магілёўскі 13 красавіка 1991 — 14 чэрвеня 2006
Царква	Рымска-Каталіцкая Царква
Пераемнік	Тадэвуш Кандрусевіч
1-ы Старшыня Канферэнцыі Каталіцкіх Біскупаў Беларусі 11 лютага 1999 — 14 чэрвеня 2006
Царква	Каталіцкая Царква
Пераемнік	Аляксандр Кашкевіч
3-і Апостальскі адміністратар sede vacante і ad nutum Sanctae Sedis Пінскай дыяцэзіі 13 красавіка 1991 — 30 чэрвеня 2011
Царква	Рымска-Каталіцкая Царква
Папярэднік	Уладзіслаў Яндрушук
Пераемнік	Тадэвуш Кандрусевіч
Адукацыя	Гімназія імя Тадэвуша Рэйтана^[d] Пінская вышэйшая духоўная семінарыя
Дзейнасць	каталіцкі святар, каталіцкі біскуп
Нараджэнне	21 кастрычніка 1914(1914-10-21) Валк^[d], Валкаўскі павет^[d], Ліфляндская губерня, Расійская імперыя
Смерць	21 ліпеня 2011(2011-07-21)[1] (96 гадоў) Пінск, Брэсцкая вобласць, Беларусь
Пахаванне	Сабор Унебаўзяцця Найсвяцейшай Дзевы Марыі
Прэсвітарская хіратонія	8 красавіка 1939 ад Казіміра Букрабы
Епіскапская хіратонія	21 мая 1991 ад Тадэвуша Кандрусевіча (разам з Уладзіславам Яндрушукам і Эдвардам Кіселем)
Кардынал з	26 лістапада 1994 ад Яна Паўла II
Аўтограф
Узнагароды	Polonia Mater Nostra Est^[d]
Медыяфайлы на Вікісховішчы

Яго Эмінэнцыя Казімір Свёнтак (21 кастрычніка 1914 Валк, Валкаўскі павет, Ліфляндская губерня, Расійская імперыя — 21 ліпеня 2011, Пінск, Брэсцкая вобласць, Беларусь) — беларускі і польскі рымска-каталіцкі царкоўны дзеяч. У 1994 годзе стаў першым кардыналам у гісторыі незалежнай і суверэннай Беларусі.

Біяграфія

Казімір Свёнтак нарадзіўся 21 кастрычніка 1914 года ў горадзе Валк на мяжы сучасных Латвіі і Эстоніі ў шляхецкай сям’i этнічна польскага паходжання. Падчас Першай сусветнай вайны сям’я Свёнткаў была ў эвакуацыі, а пасля апынулася на тэрыторыі Заходняй Беларусі ў Баранавічах, дзе Казімір Свёнтак скончыў гімназію імя Тадэвуша Рэйтана. У 1933 годзе паступіў у Пінскую вышэйшую духоўную семінарыю, у красавіку 1939 быў пасвечаны ў святары i распачаў душпастырскую дзейнасць на пасадзе вікарыя ў Пружанах.

У красавіку 1941 года Казімір Свёнтак быў арыштаваны савецкімі ўладамі па абвінавачванні ў шпіянажы i два месяцы ўтрымліваўся ў турме ў Брэсце. У канцы чэрвеня 1941 года ў выніку нямецкай акупацыі выйшаў з турмы і вярнуўся ў Пружаны. Пасля вайны застаўся з парафіянамі. У снежні 1944 года ён зноў быў арыштаваны савецкімі ўладамі i асуджаны на 10 гадоў пазбаўлення волі. Зняволенне адбываў у лагерах Сібіры і Комі АССР. У 1954 годзе вярнуўся ў Беларусь, з 1 снежня 1954 — пробашч у Пінску. З 13 красавіка 1991 архібіскуп, мітрапаліт Мінска-Магілёўскі, апостальскі адміністратар Пінскай дыяцэзіі.

30 кастрычніка 1994 года Папа Рымскі Ян Павел II надаў Казіміру Свёнтку сан кардынала. Старшыня Канферэнцыі Каталіцкіх Біскупаў у Беларусі (1999—2006). 14 чэрвеня 2006 Папа Бенедыкт XVI прыняў прашэнне 91-гадовага кардынала Казіміра Свёнтка пра вызваленне ад кіраўніцтва архідыяцэзіяй. Пры гэтым Свёнтак застаўся апостальскім адміністратарам Пінскай дыяцэзіі.

Памёр 21 ліпеня 2011 года. Пахаваны ў крыпце кафедральнага касцёла Унебаўзяцця Найсвяцейшай Дзевы Марыі ў Пінску.

Зноскі

1. http://www.tvr.by/eng/society.asp?id=51590

Літаратура

• Адамовіч С. Ф. Свёнтак Казімір // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 255. — 10 000 экз. — ISBN 985-11-0035-8. — ISBN 985-11-0238-5 (т. 14).