Заходняе аператы́ўнае кама́ндаванне — аператыўнае аб’яднанне Сухапутных войск Узброеных Сіл Рэспублікі Беларусь у заходняй частцы Беларусі, створанае ў 2001 годзе на базе 28-га армейскага корпуса.
Пасля абвяшчэння Беларуссю незалежнасці, на базе Беларускай ваеннай акругі створаны нацыянальныя Узброеныя сілы Рэспублікі Беларусь. У 1993 годзе 28-я Чырванасцяжная агульнавайсковая армія ператворана ў 28-ы армейскі корпус, а ў 2001 годзе — у Заходняе аператыўнае камандаванне.