Джэймс Уэб (тэлескоп)

JWST
Арганізацыя:	НАСА

Параўнанне люстэрка Хабла і Уэба.

Касмічны тэлескоп «Джэймс Уэб» (англ.: James Webb Space Telescope) — арбітальная інфрачырвоная абсерваторыя, якая меркавана заменіць касмічны тэлескоп «Хабл».^[1]

Назва

Першапачаткова называўся «Касмічны тэлескоп новага пакалення» (англ.: Next-generation space telescope). У 2002 годзе перайменаваны ў гонар другога кіраўніка НАСА Джэймса Уэба^[en] (1906—1992), які ўзначальваў агенцтва ў 1961—1968 гадах, падчас рэалізацыі праграмы «Апалон».

Апісанне

«Джэймс Уэб» мае складное люстра 6,5 метра ў дыяметры з плошчай збіраючай паверхні 25 м², схаванай ад інфрачырвонага выпраменьвання Сонца і Зямлі цеплавым экранам.

25 снежня 2021 года тэлескоп быў паспяхова запушчаны з касмадрома Куру.

Тэлескоп размешчаны на гала-арбіце^[ru] ў пункце Лагранжа L2 сістэмы Сонца — Зямля.

Місія

Скопішча галактык SMACS J0723.3-7327, першая апублікаваная выява, атрыманая касмічным тэлескопам «Джэймс Уэб».

11 ліпеня 2022 года апублікавана першая выява, атрыманая касмічным тэлескопам «Джэймс Уэб». На ёй бачна скопішча галактык SMACS J0723.3-7327, размешчанае на адлегласці 4,6 млрд светлавых гадоў, — ранні Сусвет з самым высокім разрозненнем з калі-небудзь атрыманых^[2].

Зноскі

1. Олехнович, Виталий. Грандиозный проект астрономии готов к запуску. Рассказываем про телескоп имени Джеймса Уэбба (руск.). Onliner.by (23 снежня 2021). Праверана 24 снежня 2021.
2. Ashley Strickland. President Biden reveals the James Webb Space Telescope's stunning first image (англ.). CNN. Архівавана з першакрыніцы 12 ліпеня 2022.