Ганна Андрэеўна Сапега

Ганна Андрэеўна Сапега
Карыбут
Нараджэнне	не раней за 1563 і не пазней за 1567
Смерць	1596[1][2]
Месца пахавання	базіліка Святой Ганны ў Кодані^[d][3]
Род	Вішнявецкія
Бацька	Андрэй Іванавіч Вішнявецкі^[d][2][4]
Маці	Яўхімія з Вярбіцкіх^[d][4]
Муж	Мікалай Паўлавіч Сапега[1][2]^[…]
Дзеці	Ян, Мікалай, Крыштаф, Фрыдэрык, Аляксандр, Габрыэль, Гальшка
Веравызнанне	кальвінізм[1][3] і Каталіцкая Царква[3]

Ганна Андрэеўна Сапега (1569—1595) — вялікалітоўская арыстакратка, заступніца праваслаўя ў Беларусі.

Біяграфія

Паходзіла з украінскага магнацкага роду Вішнявецкіх. Дачка князя Андрэя Вішнявецкага. Атрымала хатнюю адукацыю.

У 1581 годзе бацька выдаў яе за Мікалая Сапегу, ваяводу віцебскага. Вяселле адбылося ў Вішняўцы. Па пераездзе да беларускага маёнтка мужа займалася ў асноўным хатнімі справамі, выхаваннем дзяцей, падтрымлівала праваслаўе.

У 1584 годзе пасля смерці бацькі атрымала замак і мястэчка Мацееў ва Уладзімірскім і Хэлмскім паветах з фальваркам Відут, маёнтак Вузлаўцы ў Слонімскім павеце, маёнтак Васькаўцы ў Лідскім павеце, Касуце з сёламі Занароцкімі ў Ашмянскім павеце, а таксама маёнтак Сейны ў Гарадзенскім павеце. Рана памерла — у 1595 годзе. У яе гонар Сапега пабудаваў царкву св. Ганны ў Кодані (цяпер Бяльскі павет Люблінскага ваяводства, Польшча). Тут пахавана і сама Ганна.

Сям’я

Муж — Мікалай Сапега (1545—1599).

Дзеці:

• Ян (?—1602);
• Мікалай (1581—1644), ваявода менскі і берасцейскі;
• Крыштаф (1590—1637), падчашы вялікі літоўскі;
• Фрыдэрык (?—1626), падкаморы ўладзімірскі;
• Аляксандр Казімір (?—1619), падстолі вялікі літоўскі;
• Габрыэль (?—1614);
• Гальшка.

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
• Wolff J. Kniaziowie Litewsko-Ruscy od końca czternastego wieku / J. Wolff. — Warszawa, 1895. — 698 s.

1. Urzędnicy Wielkiego Księstwa Litewskiego. Spisy, t. VIII, Ziemia brzeska i województwo brzeskie XIV‒XVIII wiek / пад рэд. А. Рахуба — Warszawa: 2020. — С. 200. — ISBN 978-83-65880-89-5
   <a href="https://wikidata.org/wiki/Track:Q11686050"></a><a href="https://wikidata.org/wiki/Track:Q122406341"></a>
2. Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 86. — 586 с. — ISBN 978-985-7025-75-6
   <a href="https://wikidata.org/wiki/Track:Q122382124"></a>
3. Czamańska I. Wiśniowieccy: monografia rodu — Poznań: Wydawnictwo Poznańskie, 2007. — С. 91. — 552 с. — ISBN 978-83-7177-229-0
   <a href="https://wikidata.org/wiki/Track:Q11711731"></a><a href="https://wikidata.org/wiki/Track:Q9379244"></a><a href="https://wikidata.org/wiki/Track:Q130214150"></a>
4. Czamańska I. Wiśniowieccy: monografia rodu — Poznań: Wydawnictwo Poznańskie, 2007. — С. 89, 91. — 552 с. — ISBN 978-83-7177-229-0
   <a href="https://wikidata.org/wiki/Track:Q11711731"></a><a href="https://wikidata.org/wiki/Track:Q9379244"></a><a href="https://wikidata.org/wiki/Track:Q130214150"></a>